Gujarati News

Gujarati News

News of Wednesday, 13th January 2021

વાયુસેના વધુ તાકાતવર બનશે : 83 લાઇટ ફાઇટર જેટ વિમાનોને ખરીદવાની મંજૂરી 45,696 કરોડ ખર્ચ થશે

રક્ષણ મંત્રી રાજનાથ સિંહે ટ્વીટ કરીને તેજસની ખરીદી સંબંધિત જાણકારી આપી

નવી દિલ્હી :વડાપ્રધાન નરેન્દ્રભાઈ  મોદીની અધ્યક્ષતામાં યોજાયેલી કેબિનેટની બેઠકમાં ભારતીય વાયુસેના માટે 73 લાઇટ ફાઇટર જેટ Mk-1A તથા 10 તેજસ Mk-1 ટ્રેનિંગ વિમાનોને ખરીદવાની મંજૂરી આપી દીધી છે. તેમાં 45,696 કરોડ રૂપિયા ખર્ચ થશે, જેમાં ઇન્ફ્રાસ્ટ્રક્ચરના ડિઝાઇન અને વિકાસ માટે 1202 કરોડ રૂપિયાનો ખર્ચ પણ સામેલ છે

 અત્રે  ઉલ્લેખનીય છે કે લાઇટ કોમ્બેટ Mk-1A વેરિઅન્ટ દેશમાં ડિઝાઇન, વિકસિત અને નિર્માણ કરવામાં આવેલ આધુનિક પેઢીના ફાઇટર જેટ છે. ફાઇટર જેટને બેંગ્લુરુના હિન્દુસ્તાન એરોનોટિક્સ લિમિટેડ દ્વારા બનાવવામાં આવ્યા છે. સંરક્ષણ મંત્રી રાજનાથ સિંહે ટ્વીટ કરીને તેજસની ખરીદી સંબંધિત જાણકારી આપી છે. તેમણે જણાવ્યું કે લાઇટ ફાઇટર જેટ તેજસ આગામી વર્ષોમાં IAFના કાફલાનો મોટો આધારસ્તંભ બનવા જઇ રહ્યો છે. LCA તેજસમાં નવી ટેક્નોલોજી સામેલ છે

લાઇટ ફાઇટલ જેટ તેજસ ક્રિટિકલ ઓપરેશન ક્ષમતા માટે ઇલેક્ટ્રોનિક તરીકે સ્કેન રડાર, બિયાંડ વિજ્યુઅલ રેન્જ (BVR) મિસાઇલ, ઇલેક્ટ્રોનિક વારફેર સુઇટ અને એર ટૂ એર રિફ્યૂલિંગ જેવી સુવિધાઓથી સજજ કરવામાં આવ્યા છે. હાલમાં તે 50 ટકા સ્વદેશી છે, જે બાદમાં વધી 60 ટકા થઇ જશે. આ ઓર્ડરથી આત્મનિર્ભર અભિયાનને વેગ મળશે.

(12:41 am IST)
  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST