Gujarati News

Gujarati News

News of Wednesday, 13th January 2021

સાંસદ કલ્યાણ બેનર્જીનું માથું કાપનારને ૫ કરોડનું ઈનામ

અયોધ્યાના મહંત પરમહંસ દાસની જાહેરાત : ઉત્તરપ્રદેશની કાયદા વ્યવસ્થા પર કટાક્ષ કરતા બેનર્જીએ માતા સીતા પર અભદ્ર ટિપ્પણ કરતા ભારે વિવાદ સર્જાયો

કોલકાતા, તા. ૧૩ : હાલમાં જ ટીએમસી સાંસદ કલ્યાણ બેનર્જીએ યૂપીની કાયદા વ્યવસ્થા પર કટાક્ષ કરતા મા સીતા પર અભદ્ર ટિપ્પણી કરી હતી. તેનાથી રામનગરી અયોધ્યામાં ખાસ કરીને સંતો ઘણા જ નારાજ થયા છે. તપસ્વી છાવણીના મહંત પરમહંસ દાસે ટીમએસી સાંસદ પર રાસુકા લગાવવાની માંગ કરી છે. રાસુકા ના લગાવવા પર તેમનું માથું કાપનારાને ૫ કરોડ રૂપિયાનું ઈનામ પણ જાહેર કર્યું છે. પશ્ચિમ બંગાળ ચૂંટણી પ્રચાર દરમિયાન ટીએમસી સાંસદ કલ્યાણ બેનર્જીએ યૂપીની કાયદા વ્યવસ્થા પર મજાક કરતા એક નિવેદન આપ્યું હતુ. તેમના આ નિવેદનનો વિડીયો ઘણો જ વાયરલ થયો.

આ વિડીયોને જોયા બાદ અયોધ્યાના સંતોમાં ઘણો જ આક્રોશ જોવા મળી રહ્યો છે. આ વિડીયોને લઈને અયોધ્યાના સંતો મહંત પરમહંસ દાસે કલ્યાણ બનેર્જીને રાક્ષસ સુધી કહી દીધું, સાથે જ તેમના પર રાસુકા લગાવવાની માંગ કરી છે. રામ મંદિર નિર્માણ માટે આમરણ ઉપવાસ કરીને ચર્ચામાં આવેલા સંત પરમહંસ દાસે કહ્યું કે, કલ્યાણ બેનર્જી ઉપર રાસુકાની કાર્યવાહી કરવામાં આવવી જોઇએ, નહીં તો સંતોએ પણ ધર્મની રક્ષા માટે શસ્ત્રો ઊઠાવવા પડશે.

તેમણે કહ્યું કે, મા સીતા પર કરવામાં આવેલી ટિપ્પણી અક્ષમ્ય છે. પરમહંસે કહ્યું કે, કલ્યાણ બેનર્જી ઉપર કાર્યવાહી ના થઈ તો તેનું માથું કાપનારાને અમે ૫ કરોડ રૂપિયા ઇનામ આપીશુ. સસ્તી રાજનીતિ માટે દેવતાઓનું અપમાન થઈ રહ્યું છે. આના પર તાત્કાલિક રોક લાગવી જોઇએ." એફઆઈઆર નોંધવામાં આવ્યા બાદ હવે મામલો પ્રયાગરાજના માઘ મેળા સુધી પહોંચી ગયો છે. તેમના આ નિવેદનથી શિવ યોગી મૌની મહારાજ નારાજ થઈ ગયા છે. આ સાથે જ તેઓ મંગળવારથી ઉપવાસ પર બેઠા છે. તેમણે રાષ્ટ્રપતિ રામનાથ કોવિંદ પાસે કલ્યાણ બેનર્જીની સદસ્યતા રદ્દ કરવા કહ્યું છે.

મૌની મહારાજે કલ્યાણના નિવેદનને હિંદુઓની આસ્થા પર પ્રહાર ગણાવ્યો. તેમણએ કહ્યું કે, તૃણમૂલ કૉંગ્રેસના સાંસદ કલ્યાણ બેનર્જીએ ના ફક્ત સીતા માતાને ગાળ આપી છે, પરંતુ ભારતીય સંસ્કૃતિનું અપમાન કર્યું છે અને ભગવાન રામની મર્યાદાને પણ ક્ષીણ કરવાનું કામ કર્યું છે.

(7:48 pm IST)
  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST

  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST