Gujarati News

Gujarati News

News of Wednesday, 13th January 2021

ફેસબુક-ટ્‍વિટર પછી હવે યુ ટયુબે પણ અમેરિકન રાષ્‍ટ્રપતિ ડોનાલ્‍ડ ટ્રમ્‍પ વિરૂદ્ધ એકશન લીધીઃ તમામ નવી પોસ્‍ટ હટાવી લીધી

ફેસબુક અને ટ્વિર પછી હવે YouTubeએ પણ અમેરિકન રાષ્ટ્રપતિ ડોનાલ્ડ ટ્રમ્પ વિરૂદ્ધ એક્શન લીધી છે. યૂટ્યુબે પોતાના પ્લેટફોર્મ પરથી ડોનાલ્ડ ટ્રમ્પની ચેનલથી અપલોડ કરવામાં આવેલી નવી પોસ્ટ હટાવી લીધી છે. યૂટ્યૂબે હિંસા માટે બનાવેલી પોતાની નીતિઓનો ઉલ્લંઘનનો હવાલો આપતા પોસ્ટ હટાવી લીધી છે. સાથે જ ડોનાલ્ડ ટ્રમ્પની ચેનલને યુટ્યુબની સેવા શરતોના ઉલ્લંઘનના આરોપમાં સાત દિવસ માટે સસ્પેન્ડ કરી દીધી છે.

  • YouTubeએ પોતાના નિવેદનમાં શું કહ્યું?

સમીક્ષા પછી વધારે હિંસાની ચાલી રહેલી સંભાવનાઓની ચિંતાના કારણે અમે ડોનાલ્ડ ટ્રમ્પની ચેનલ પર અપલોડ કરવામાં આવેલી નવી પોસ્ટોને અમારી નીતિઓના ઉલ્લંઘનના કારણે હટાવી લીધી છે. ચેનલ પર હવે નવા વીડિયો અથવા લાઈવ સ્ટ્રીમને ઓછામાં ઓછા સાત દિવસ સુધી અપલોડ કરી શકાશે નહીં. હિંસાના ખતરાને જોતા, તેમની ચેનલના કોમેન્ટ સેક્શનને પણ બંધ કરી દેવામાં આવ્યું છે.

યુટ્યૂબ પર ટ્રમ્પ ચેનલનું નામ Donald J. Trump છે, જેની સબ્સક્રાઈબર્સની સંખ્યા 2.77 મિલિયન છે. જોકે, યૂટ્યુબે પ્રથમ સ્ટ્રાીક બતાવીને ચેતવણી આપી છે. પરંતુ યુટ્યુબ અનુસાર ગાઈડલાઈનના ઉલ્લંઘનને લઈને ત્રણ સ્ટ્રાઈક લાગે છે તો તેમની ચેનલને બ્લોક કરી દેવામાં આવે છે.

ટ્વિટરે અમેરિકન રાષ્ટ્રપતિ ડોનાલ્ડ ટ્રમ્પના પર્સનલ એકાઉન્ટને સ્થાયી રીતે સસ્પેન્ડ કરી દીધું છે. આવું ડોનાલ્ડ ટ્રમ્પ દ્વારા આગામી દિવસોમાં હિંસાને પ્રોત્સાહન આપવાની શંકાના કારણે કરવામાં આવ્યું છે.

(5:00 pm IST)
  • સીબીઆઈના ઓફિસરો ઉપર ખુદ CBI તૂટી પડી : સીબીઆઈ ઓફિસરો ઉપર સંખ્યાબંધ જગ્યાએ સીબીઆઈએ ખુદે દરોડા પાડયાના અહેવાલ મળી રહ્યા છે. ન્યુઝ ફર્સ્ટના અહેવાલ મુજબ વિગતો સત્તાવાર મેળવાઈ રહી છે. access_time 4:19 pm IST

  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST