Gujarati News

Gujarati News

News of Wednesday, 13th January 2021

મહારાષ્‍ટ્ર સરકારના સામાજીક ન્‍યાય મંત્રી અને એનસીપી નેતા ધનંજય મુંડે ઉપર મુંબઇની એક પ્‍લેબેક સિંગરનો દુષ્‍કર્મનો આરોપઃ શારીરિક સંબંધ બાંધીને વીડિયો બનાવ્‍યો હતો

મુંબઈ: મહારાષ્ટ્ર સરકારના સામાજિક ન્યાય મંત્રી અને એનસીપી (NCP) નેતા ધનંજય મુંડે પર મુંબઈની એક પ્લેબેક સિંગરે રેપનો આરોપ લગાવ્યો છે અને કેસ દાખલ કર્યો છે. જો કે એનસીપી નેતાએ આ આરોપો સદંતર ફગાવી દીધા છે અને કહ્યું કે આ તેમને બદનામ કરવાની કોશિશ છે.

  • 2006થી શારીરિક શોષણ કરવાનો આરોપ

મુંબઈના ઓશિવારા પોલીસ સ્ટેશનમાં નોંધાયેલી  ફરિયાદમાં મહિલા સીંગરે ધનંજય મુંડે પર વર્ષ 2006માં શારીરિક શોષણ કરવાનો આરોપ લગાવ્યો છે. આ ઉપરાંત મહિલાએ આરોપ લગાવ્યો છે કે બોલીવુડમાં તક અપાવવાના નામે એનસીપી નેતાએ જબરદસ્તીથી શારીરિક સંબંધ બાંધ્યા હતા.

  • મહિલા સિંગરે લગાવ્યો વીડિયો બનાવવાનો આરોપ

મહિલા સીંગરે પોતાની ફરિયાદમાં કહ્યું કે, 'મારી બહેનના વરાષ 1998માં ધનંજય મુંડે સાથે પ્રેમ વિવાહ થયા હતા. વર્ષ 2006માં મારી બહેન ડિલિવરી બાદ જ્યારે ઈન્દોર ગઈ હતી ત્યારે તેને ખબર હતી કે હું ઘર પર એકલી છું, અને તે કોઈ પણ જાણ કર્યા વગર રાતે ઘરે આવી ગયો અને મારી ઈચ્છા વિરુદ્ધ શારીરિક સંબંધ બનાવ્યો. શારીરિક સંબંધ બનાવવા દરમિયાન મારો વીડિયો પણ બનાવી લીધો હતો.'

  • 'બોલીવુડમાં લોન્ચ કરાવવાની લાલચ આપીને કરી જબરદસ્તી'

મહિલાએ આરોપ લગાવ્યો કે, 'ધનંજય મુંડેએ મને કહ્યું કે જો તારે સીંગર બનવું હોય તો હું ફિલ્મી દુનિયાના મોટા મોટા ફિલ્મ નિર્દેશક અને નિર્માતાઓ સાથે મળાવીને બોલીવુડમાં લોન્ચ કરાવી દઈશ. આ વાતની લાલચ આપીને તે મારી સાથે જબરદસ્તીથી મારી ઈચ્છા વિરુદ્ધ શારીરિક સંબંધ સ્થાપિત કર્યો અને સતત મારું શારીરિક શોષણ કરતો રહ્યો. જ્યારે મારી બહેન કોઈ કામ અર્થે બહાર જતી ત્યારે તે મારી સાથે જબરદસ્તીથી શારીરિક સંબંધ બનાવવાની માંગણી કરતો હતો.'

  • ધનંજય મુંડેએ કરી સ્પષ્ટતા

રેપનો આરોપ લાગ્યા બાદ ધનંજય મુંડેએ સોશિયલ મીડિયા પર સ્પષ્ટતા કરી અને કહ્યું કે આ મને બદનામ અને બ્લેકમેલ કરવાની કોશિશ છે. ધનંજય મુંડેએ કહ્યું કે, 'પત્ની ઉપરાંત મારે અન્ય મહિલા સાથે 2003થી મારા સંબંધ હતા. આ વાત મારા પરિવાર અને મારી પત્નીને ખબર હતી. સહમતિના આધાર પર બનેલા આ સંબંધથી મને એક પુત્ર અને એક પુત્રી પણ છે. આ બંને બાળકોને મે મારું નામ પણ આપ્યું છે અને શાળામાં એડમિશનથી માંડીને તમામ દસ્તાવેજોમાં પિતા તરીકે મારું નામ છે. આ  બાળકો મારી સાથે જ રહે છે અને મારા પરિવારમાં પત્ની અને મારા બાળકોએ આ બાળકોને પણ પરિવારના સભ્યો તરીકે સ્વીકાર કર્યો છે.'તેમણે કહ્યું કે જે મહિલા સાથે હું સંબંધમાં હતો, તેની નાની બહેન આરોપ લગાવી રહી છે કે મે લગ્નનું વચન આપીને તેનો રેપ કર્યો.

  • ભાજપની રાજીનામાની માંગણી

આ સમગ્ર મુદ્દે ભાજપે આક્રમક વલણ અપનાવ્યું છે. મહારાષ્ટ્ર ભાજપ મહિલા મોરચાના અધ્યક્ષા ઉમા ખાપરેએ ધનંજય મુંડે પાસેથી રાજીનામું લઈ લેવાની માંગણી કરી છે. આ બાજુ ભાજપના વરિષ્ઠ નેતા અને પૂર્વ સાંસદ કિરિટ સોમૈયાએ પણ ધનંજય મુંડે અંગે કહ્યું કે જ્યાં સુધી ધનંજય મુંડે બળાત્કારના આરોપોથી મુક્ત ન થાય ત્યાં સુધી તેમને મંત્રી પદે રહેવાનો કોઈ અધિકાર નથી. તેમના વિરુદ્ધ થયેલી આ ફરિયાદે મહારાષ્ટ્રની અસ્મિતાને ઠેસ પહોંચાડી છે. આ બાજુ  ઉમા ખાપરેએ કહ્યું કે હિન્દુ ધર્મમાં બે પત્નીને અમાન્ય ગણવામાં આવે છે. પરંતુ ધનંજય મુંડેએ બે પત્નીઓ હોવાની વાત સ્વીકારી છે. ધનંજય મુંડે જો રાજીનામું ન આપે તો અમે રસ્તા પર ઉતરીને આંદોલન કરીશું.

(4:52 pm IST)
  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST

  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • જાણીતા સમાજસેવી અન્ના હજારે ખેડૂતોના સમર્થનમાં ભૂખ હડતાલ કરશે : જાન્યુઆરીના અંત સુધીમાં કૃષિ કાયદાનો કોઈ ઉકેલ નહીં આવે તો ભૂખ હડતાલ કરશે : વડાપ્રધાન મોદીને લખ્યો પત્ર access_time 11:41 pm IST