Gujarati News

Gujarati News

News of Wednesday, 13th January 2021

પાંચ દિવસ બાદ ફરી ભાવવધારો કરાયો

આજે ફરી વધ્યા ભાવ : મુંબઇમાં પેટ્રોલ ૯૧ રૂપિયાને પાર

નવી દિલ્હી તા. ૧૩ : સરકારી ઓઇલ કંપનીઓએ પાંચ દિવસ બાદ ફરી એક વાર પેટ્રોલ અને ડીઝલના ભાવમાં વધારો કર્યો છે. જેને કારણે મુંબઈમાં પેટ્રોલનો ભાવ ૯૧ રૂપિયા પ્રતિ લીટરને પાર થઈ ગયો છે. નોંધનીય છે કે ૨૯ દિવસ સુધી પેટ્રોલ અને ડીઝલના ભાવ સ્થિર રહ્યા બાદ તેમાં ૬ અને ૭ જાન્યુઆરીએ વધારો કરવામાં આવ્યો હતો. આ બે દિવસમા; જ પેટ્રોલના ભાવ ૪૯ પૈસા પ્રતિ લીટર વધ્યો, જયારે ડીઝલ ૫૧ પૈસા મોંઘું થયું હતું. બુધવારે રાજધાની દિલ્હીમાં પેટ્રોલના ભાવમાં ૨૫ પૈસા પ્રતિ લીટર અને ડીઝલના ભાવમાં પણ ૨૫ પૈસા પ્રતિ લીટરનો વધારો કરવામાં આવ્યો. આ વધારા બાદ આજે દિલ્હીમાં પેટ્રોલ ૮૪.૪૫ રૂપિયા અને ડીઝલ ૭૪.૬૩ રૂપિયા પ્રતિ લીટર થઈ ગયું.

દિલ્હી- પેટ્રોલ ૮૪.૪૫ રૂપિયા અને ડીઝલ ૭૪.૬૩ રૂપિયા પ્રતિ લીટર છે. મુંબઈ- પેટ્રોલ ૯૧.૦૭ રૂપિયા અને ડીઝલ ૮૧.૩૪ રૂપિયા પ્રતિ લીટર છે. કોલકાતા- પેટ્રોલ ૮૫.૯૨ રૂપિયા અને ડીઝલ ૭૮.૨૨ રૂપિયા પ્રતિ લીટર છે. ચેન્નઈ- પેટ્રોલ ૮૭.૧૮ રૂપિયા અને ડીઝલ ૭૯.૯૫ રૂપિયા પ્રતિ લીટર છે.

વિદેશી કરન્સી દરોની સાથે આંતરરાષ્ટ્રીય બજારમાં ક્રૂડનો ભાવ શું છે, તેના આધારે રોજ પેટ્રોલ અને ડીઝલના ભાવમાં ફેરફાર થાય છે. પેટ્રોલ અને ડીઝલના ભાવમાં એકસાઇઝ ડ્યૂટી, ડીલર કમીશન અને અન્ય ચીજો જોડ્યા બાદ આ ભાવ લગભગ બે ગણા થઈ જાય છે. નોંધનીય છે કે રોજ સવારે ૬ વાગ્યે પેટ્રોલ અને ડીઝલના ભાવમાં ફેરફાર થાય છે. સવારે ૬ વાગ્યાથી જ નવા દર લાગુ થઈ જાય છે.

(11:47 am IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST