Gujarati News

Gujarati News

News of Saturday, 13th January 2018

વેનેઝુએલામાં ભયાનક ભુખમરોઃ ભોજન માટે રમખાણોઃ ૪ના મોતઃ ભુખ્યા લોકો દુકાનો લુંટે છેઃ પશુઓના બેફામ શિકાર

દેશ મંદી-મોંઘવારી-ભ્રષ્ટાચારને કારણે તુટી ગયોઃ ચોતરફ અરાજકતાઃ દેશની ૮ર ટકા વસ્તી ભુખમરામાં: પ૧ ટકા લોકોને પેટ ભરવાના ફાંફાં

બારીનાસ તા. ૧૩ :.. સાઉથ અમેરિકાની ઉત્તરે આવેલા દેશ 'વેનેઝુએલા' માં ભુખમરો ફાટી નીકળ્યો છે. ખાવાની વસ્તુઓની લુંટફાટ ચાલુ થઇ છે. આ ઝટાઝટીમાં છેલ્લા બે દિવસમાં ૪ લોકો મૃત્યુ પામ્યા છે. આ ભૂખમરા માટે છેલ્લા ૪ વર્ષોની મહામંત્રી જવાબદાર ગણવામાં આવી છે. લોકો ગાય જેવા પશુઓનો શિકાર કરી તેનું માંસ પણ ખાવા લાગ્યા છે.

 

વેનેઝૂએલાના પશ્ચીમી રાજય એડીએનમાં ભૂખથી પરેશાન ભીડે એક ફુડ કલેકશન સેન્ટર અને એક સુપરમાર્કેટ પર હૂમલો કર્યો હતો અને તોડફોડ કરી હતી. આ ઉપદ્રવમાં ૪ લોકોના મોત થયા હતાં. એટલુ જ નહિ આ લોકોએ બાજુમાં ઘાસ ચરતા એક ઢોરને પણ મારી નાખ્યા હતાં. ખાવાની અછતથી દેશમાં તોફાનોની સ્થિતિ છે.

લગભગ ૪ વર્ષની મંદી અને વિશ્વની સૌથી વધુ મોંઘવારીને કારણે લાખો લોકો ગરીબીના સંકટમાં સપડાયા છે જેથી સામ્યવાદી શાસન ખતરામાં છે. લોકો ટ્રકો પણ લુંટી રહયા છે અત્યારે સુધીમાં ભુખથી પીડિત લોકોએ ૩૦૦ થી વધુ પશુઓની હત્યા કરી છે.

ભુખ્યા લોકો દુકાનો લૂંટી રહ્યા છે ડીસેમ્બરથી અછત શરૂ થઇ છે. અપરેય શહેરમાં લૂંટારાઓએ અનેક દિવસો સુધી દુકાનો અને ભંડારોમાં લૂંટ ચલાવી હતી. ક્રુડના ઘટતા ભાવ, વધતો ફુગાવો અને ભ્રષ્ટાચારથી દેશને ભારે નુકશાન થયું છે.

બુધવારે એક ટ્રમાં લોટ અને મરઘી લઇ જવાતા હતાં ત્યારે ૧૯ વર્ષના યુવકની ગોળી મારી હત્યા કરી ટ્રક લૂંટી લેવાઇ હતી.

મળતા રીપોર્ટ મુજબ ૮ર ટકા લોકો ગરીબીમાં આવી ગયા છે. આમાંથી પ૧ ટકા લોકો તો પોતાનું પેટ પણ ભરી શકતા નથી.

(3:51 pm IST)
  • U-19 વર્લ્ડક૫માં ભારતીય ટીમે ઓસ્ટ્રેલિયાને 100 રનથી હરાવ્યું : U-19 વર્લ્ડકપ-2018ના પ્રારંભિક મુકાબલામાં ટીમ ઈન્ડિયાએ ઓસ્ટ્રેલિયાને 100 રનથી હરાવી શાનદાર શરૂઆત કરી છે. રાહુલ દ્રવિડની કોચિંગમાં ભારતીય ટીમે સૌપ્રથમ બેટિંગ કરી નિશ્ચિત 50 ઓવરોમાં 7 વિકેટ ગુમાવી 328 રન બનાવ્યાં હતાં. તો જવાબમાં ઓસ્ટ્રેલિયન ટીમે 42.5 ઓવરોમાં 10 વિકેટ ગુમાવી ફક્ત 228 રન બનાવ્યા છે. access_time 3:24 pm IST

  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 10:20 am IST

  • ફિલ્મ 'પદ્માવત'ની સત્તાવાર રીલીઝ ડેટ વાયકોમ-18એ જાહેર કરી દીધી છે. ફિલ્મ 25 જાન્યુઆરીના રોજ થિયેટર્સમાં જોવા મળશે. સંજય લીલા ભણસાલીની ફિલ્મ પદ્માવત તમિલ, તેલુગુ અને હિન્દીમાં એમ ત્રણ ભાષાઓમાં રજુ કરાશે. નિર્માતાઓએ નવા શીર્ષક સાથે પદ્માવતનું પોસ્ટર પણ રજુ કર્યું છે. સેન્સરએ પાંચ ફેરફારો સાથે ફિલ્મને "U/A" સર્ટીફીકેટ આપ્યું છે. આ સર્ટીફીકેટ સાથેની ફિલ્મોને એકલા નાના બાળકોને જોવાની મંજૂરી નથી હોતી. access_time 8:08 pm IST