Gujarati News

નવી દિલ્હીઃ તા.૧૩, અખીલ ભારતીય હિન્દુ મહાસભાએ કારસેવકો વિરુધ્ધ  નોંધાયેલ ૧૯૯૨ના બાબરી મસ્જીદ ઘ્વંશ અંગેના કેસ પરત લેવાની માંગણી કરી છે. ઉપરાંત તેમણે સુપ્રિમકોર્ટના નિર્ણયનો હવાલો આપતા જણાવેલ કે ૧૯૯૨ કે તે પહેલા અયોધ્યા આંદોલન દરમિયાન મૃત્યુ પામેલા બધા રામ ભકતોને ''શહીદ''નો દરજજો આપવા પણ માંગ ઉઠાવેલ. સાથો-સાથ મૃતકોના પરિજનોને આર્થીક મદદ આપવા અને સરકારી નોકરી દેવા પણ જણાવ્યું હતુ. મહાસભાએ કારસેવકોને ધાર્મિક સ્વાતંત્ર સેનાની જાહેર કરવા પણ સરકાર પાસે માંગણી કરી છે.  વડાપ્રધાન નરેન્દ્રભાઇ, ગૃહમંત્રી અમિતભાઇ અને યુપીના મુખ્યમંત્રી યોગીને સંગઠનના અધ્યક્ષ ચક્રપાણી મહારાજે આ અંગે પત્ર પણ લખ્યો છે.