Gujarati News

Gujarati News

News of Wednesday, 13th November 2019

અમેરિકાએ એચ-૧બી વિઝાની ફીમાં ૧૦ ડોલરનો વધારો કર્યો

 વોશિંગ્ટનઃ અમેરિકા જઇને કામ કરવા ઇચ્છતા લોકોએ હવે એચ-૧બી  વિઝાની અરજી ફી તરીકે ૧૦ ડોલર એટલે કે લગભગ ૭૦૦ રૂપિયા વધારે ચુકવવા પડશે. વર્તમાન સમયે એચ-૧બી  વિઝાની અરજી માટે ૩૨૦૦૦ રૂપિયા લેવામાં આવે છે. અમેરિકાએ પોતાની પસંદગી પ્રક્રિયામાં નવું સંશોધન કરીને આ જાહેરાત કરી છે.

અમેરિકી નાગરિકતા અને ઇમિગ્રેશન મંત્રાલયે જણાવ્યું કે આ ફી ઇલેકટ્રોનિક રજીસ્ટર સિસ્ટમ માટે ઉપયોગી સાબિત થશે. અમેરિકી નાગરિક અને ઇમિગ્રેશન મંત્રાલયના કાર્યકારી નિર્દેશક કેન કુસિનેલીએ કહ્યું કે આ પ્રયત્ન વડે વધારે પ્રભાવી એચ-૧બી  વિઝા પસંદગી પ્રક્રિયા લાગુ કરવામાં મદદ મળશે. વધુંમાં તેમણે જણાવ્યું કે ઇલેકટ્રોનિક રજીસ્ટર સિસ્ટમ ઇમિગ્રેશનને આધુનિક બનાવશે. જેનાથી પસંદગી પ્રક્રિયામાં સુધારો થશે ઉપરાંત ફ્રોડ થઇ શકશે નહીં.

એચ-૧બી  વિઝા કાર્યક્રમ અમેરિકી કંપનીઓને વિદેશી કારીગરોને અસ્થાયી રીતે કામ પર રાખવાની અનુમતિ આપે છે. જેના માટે કોઇ વિશિષ્ટ કૌશલ અથવા તો ડિગ્રીની જરૂ પડે છે. જે લોકો એચ-૧બી  વિઝા માટે અરજી કરશે તેમણે પહેલા ઇલેકટ્રોનિક રીતે રજીસ્ટ્રેશન કરાવવાનું રહેશે. ૨૦૨૧થી વર્ષથી આ પદ્ઘતિ લાગુ કરવામાં આવશે.

(3:57 pm IST)
  • આંધ્રપ્રદેશની સરકારી શાળાઓમાં અંગ્રેજી માધ્યમ કરવા મામલે સરકાર અને વિપક્ષ આમને સામને :રાજ્યની તમામ સરકારી સ્કૂલોમાં શિક્ષણનું માધ્યમ ઉર્દુ,તેલુગૂથી બદલી અંગ્રેજીમાં પરિવર્તિત કરવાના નિર્ણંય સામે જનસેવા,ભાજપ અને ટીડીપી જેવા પક્ષો ઉપરાંત ઉપરાષ્ટ્રપતિ વૈંક્યા નાયડુએ પણ સરકારની ટિક્કા કરી access_time 1:08 am IST

  • રાત્રે રાજકોટની ભાગોળે વરસાદી ઝાપટું : રાજકોટ-આટકોટ રોડ પર રાજસમઢિયાળી અને રંગુન માતા મંદિર વચ્ચે વરસાદનું જોરદાર ઝાપટું access_time 11:35 pm IST

  • BSNL VRS સ્કીમઃ દેશભરમાં ૭પ૪૬૯ એ અરજી કરીઃ રાજકોટ શહેર-જીલ્લામાં કુલ ૮પ૦ કર્મચારી-અધિકારીઓમાંથી ૪૧૯ દ્વારા અરજી કરાઇ : BSNL ની VRS સ્કીમમાં દોટ મુકતા કર્મચારીઓ તથા હાઇલેવલ અધિકારીઓઃ દેશભરમાં ૭પ૪૬૯ દ્વારા અરજી રાજકોટ શહેર-જીલ્લામાં કુલ ૮પ૦ માંથી ૧પ હાઇ લેવલ અધિકારી-આસી. અધિકારી-કર્મચારીઓ સહિત કુલ ૪૧૯ દ્વારા અરજીઓ કરાઇઃ ધડાધડ સ્કીમનો અમલ... access_time 3:42 pm IST