Gujarati News

Gujarati News

News of Thursday, 13th September 2018

તમામ બ્રોડગેજ રૂટોનું ૧૦૦ ટકા વિજળીકરણ હાથ ધરાશે

વિજળીકરણ માટેની દરખાસ્તને લીલીઝંડી મળી : કુલ ૧૩૬૭૫ કિમી રૂટને આવરી લેતા ૧૦૮ સેક્શનના બનેલા ભારતીય રેલવેના રુટનું વિજળીકરણ હાથ ધરાશે

નવી દિલ્હી, તા.૧૩ : વર્ષ ૨૦૨૧-૨૨ સુધી રેલવેના તમામ બ્રોડગેજ રુટના ૧૦૦ ટકા વિજળીકરણ માટેની દરખાસ્તને લીલીઝંડી આપી દેવામાં આવી છે. કેન્દ્રીય કેબિનેટ દ્વારા આ અંગેની દરખાસ્તને લીલીઝંડી મળી ચુકી છે. ૧૦૮ સેક્શનના બનેલા ભારતીય રેલવેના તમામ બ્રોડગેજ રુટના વિજળીકરણની દરખાસ્તને મંજુરી આપી દેવામાં આવી છે. આ ૧૦૮ સેક્શન ૧૩૬૭૫ રુટ કિલોમીટરને આવરી લે છે. ૧૨૧.૩૪ અબજ રૂપિયાના જંગી ખર્ચ સાથે તમામ બ્રોડગેજ રુટનું વિજળીકરણ કરવામાં આવનાર છે. બિહારમાં મરવોરા ખાતે ડીઝલના ડબ્બા બનાવવા માટે યુનિટ સ્થાપિત કરવા વૈશ્વિક મહાકાય કંપની જનરલ ઇલેક્ટ્રીક આગળ આવી રહી છે ત્યારે આ પ્રકારની દરખાસ્ત આવી છે. રેલવે દ્વારા નવેમ્બર ૨૦૧૫માં ૧૦૦૦ ફ્યુઅલની બચત કરે તે પ્રકારના ડબ્બા મોકલવા માટે જનરલ ઇલેક્ટ્રીકને આદેશ કર્યો હતો. ૧૧ વર્ષ માટેનો ૨.૫ અબજ ડોલરનો આ કોન્ટ્રાક્ટ હતો. જીઈ દ્વારા ૨૦૦ મિલિયન ડોલરના જંગી રોકાણની બાબત પણ આમા સામેલ છે. આના ભાગરુપે ઓછામાં ઓછા ૬૦૦૦ પ્રત્યક્ષ અને પરોક્ષરીતે લોકોને નોકરી મળશે. રેલવેમંત્રી પીયુષ ગોયેલનું કહેવું છે કે, આ પ્રોજેક્ટમાં ૬૦૦૦થી વધુ લોકોને સીધીરીતે નોકરી મળનાર છે. જીઇને મોટી જવાબદારી સોંપવામાં આવી છે. સૂચિત વિજળીકરણ કરવામાં આવ્યા બાદ હાઈસ્પીડ ડીઝલના વપરાશમાં પ્રતિવાર્ષિક ૨.૮૩ અબજ લીટરની બચત થઇ શકશે. સાથે સાથે પ્રદૂષણને ઘટાડવામાં પણ મદદ મળશે. ગોયેલનું કહેવું છે કે, તમામ બ્રોડગેજ રુટના વિજળીકરણને લઇને વિચારણા છેલ્લા ઘણા સમયથી ચાલી રહી હતી. હવે દરખાસ્તને લીલીઝંડી આપી દીધા બાદ ઝડપી પહેલ થશે. ૧૩૬૭૫ રુટને આવરી લેતા ૧૦૮ સેક્શનના વિજળીકરણને મંજુરી અપાયા બાદ સંબંધિતો પોતાના કામમાં લાગી ગયા છે.

(7:22 pm IST)
  • જેતપુરમાં સાડી ઉદ્યોગો દ્વારા પ્રદુષણનો મુદ્દો:સાડી ઉદ્યોગને ત્રણ માસ માટે મળી રાહત:ડાઈંગ એસોસિએશને લેખિતમાં ખાતરી અપાતા GPCB એ લીધો નિર્ણય:GPCBએ પ્રદુષણની ખામીયો દૂર કરવા ત્રણ માસનો સમય આપ્યો:સાડી ઉદ્યોગોના ક્લોઝર પર GPCB એ ચાલુ કરવાનો હુકમ આપ્યો. access_time 11:02 pm IST

  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • અમદાવાદમાં વેપારીનું અપહરણ- લૂંટ : ૧૦ લાખની ખંડણીની માંગ? : અમદાવાદના વસ્ત્રાપુરમાં વેપારીનું અપહરણ કરી બે શખ્સોએ લૂંટ ચલાવી હોવાનું જાણવા મળે છે : વેપારીએ મહિલાને લીફટ આપ્યા બાદ આ ઘટના બની હોવાનું બિનસત્તાવાર જાણવા મળે છે : અપહરણકારોએ રિવોલ્વરની અણીએ લૂંટ ચલાવી વેપારીને પણ ઉપાડી ગયા : ૧૦ લાખની ખંડણીની માંગ કરી છે. access_time 3:44 pm IST