Gujarati News

Gujarati News

News of Wednesday, 12th September 2018

હરિદ્વારમાં દર ત્રણ કલાકે ગંગાઘાટની સફાઈ કરવા હાઇકોર્ટનો આદેશ આપ્યો

હરિદ્વાર: હાઇકોર્ટે હરિદ્વારના ગંગાઘાટ પર દર ત્રણ કલાકે સફાઇ કરવાનો આદેશ આપ્યો છે. કોર્ટે ડીએમ હરિદ્વારને નોડલ અધિકારી બનાવ્યા છે.સાથે સિંચાઇ વિભાગ ઉત્તર પ્રદેશ અને ઉત્તરાખંડ ઉપરાંત જલ સંસ્થાને પણ ગંગાની સફાઇ માટે ઠોસ પગલાં ભરવાના આદેશ આપ્યા છે.

કોર્ટે ગંગાની અવિરલતા માટે નાળા અને સીવરના પાણીને કોઇ પણ સંજોગોમાં ગંગા સુધી પહોંચતા રોકવાના સખત આદેશ આપ્યા છે. કોર્ટે આ આદેશ હરિદ્વાર નિવાસી નરેન્દ્ર તરફથી દાખલ કરાયેલી જનહિતની અરજીની સુનાવણી દરમિયાન આપ્યા. યાચિકામાં કહેવાયું હતું કે ઘાટોની નિયમિત સફાઇ નહીં થવાથી ગંદકી ફેલાઇ રહી છે અને ગંગામાં પ્રદૂષણ વધી રહ્યુું છે.

મંગળવારે કાર્યવાહક મુખ્ય ન્યાયાધીશ ન્યાયમૂૂર્તિ રાજીવ શર્મા અને ન્યાયમૂર્તિ મનોવકુમાર તિવારીની ખંડપીઠ સમક્ષ કોર્ટ કમિશનર કેતન જોશી અને નિખિલ સિંઘલે રિપોર્ટ પ્રસ્તુત કર્યા. રિપોર્ટમાં ચોટીવાલા હોટલ પાસે નાળાં, હોટલ, કુશાવર્ત ઘાટ, ગૌઘાટમાં હજુ પણ ગંદકી હોવાનો ઉલ્લેખ કર્યો.

ખંડપીઠે આ રિપોર્ટના આધારે નગર નિગમ અને જિલ્લા પ્રશાસનને ગંદકીવાળા ઘાટ અને નાળાંઓની દર ત્રણ કલાકે સફાઇ કરવાના આદેશ આપ્યા.

આ કામની દેખરેખ માટે જિલ્લા અધિકારી દીપક રાવતને નોડલ અધિકારી તરીકે નિયુકત કરાયા. કોર્ટ કમિશનરે પોતાના રિપોર્ટમાં હરિદ્વારના ઘણા ઘાટ પર પોલિથીન મળવાનો પણ ઉલ્લેખ કર્યો. મહિલા તીર્થયાત્રીઓને કપડાં બદલવા માટે રપ રૂમ અને શૌચાલય બનાવવાના પણ આદેશ આપ્યા.

(1:12 pm IST)
  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • સુરત :મિઝલ્સ-રુબેલા રસીકરણ કેમ્પેઇન:10 લાખ 82 હજાર 878 બાળકોને રસીકરણ કરાયું: રાજ્યમાં સૌથી વધુ બાળકોનું રસીકરણ સુરતમાં થયું :16 જુલાઈથી શરૂ થયું હતું કેમ્પેઇન: 9 માસથી 15 વર્ષના બાળકોનું રસીકરણ કરાયું access_time 11:02 pm IST

  • ભચાઉ સબજેલમાંથી હિસ્ટ્રીશિટર આરોપી જેલમાંથી ફરાર:અનેક ગુનાઓમાં સંડોવાયેલ આરોપી રામજી કોળી જેલની દીવાલ કુદીને થયો ફરાર:કચ્છ ,બનાસકાંઠા ,પાટણ જિલ્લા માં નક્કાબંધી કરી હિસ્ટ્રીશિટર આરોપીને શોધવા પોલીસ તપાસ:આરોપીને શોધવા પોલીસે બનાવી પાંચ ટીમ access_time 11:02 pm IST