Gujarati News

નવી દિલ્હી તા. ૧૨ : બેંકમાં FD (ફિકસ્ડ ડિપોઝિટ) કરાવવાનો સૌથી સેફ અને બેસ્ટ ઓપ્શન માનવામાં આવે છે. એટલે જ દેશણાં FD ખુબજ પ્રચલિત છે. પણ આજકાલની આ ફાસ્ટ લાઇફ સ્ટાઇલમાં બેંક જઇને FD કરાવવી અને પછી તેને તોડીને પૈસા કઢાવવા અઘરું કામ થઇ જાય છે. તેથી આ મુશ્કેલીઓનું સમાધાન દેશની સૌથી મોટી બેંક SBI લઇને આવી છે. SBI મલ્ટી ઓપ્શન ડિપોઝિટ (MOD) નામથી એક FDની સુવિધા આપે છે. તેમાં આપ આપની જરૂરિયાત પ્રમાણે ૧૦૦૦ રૂપિયાનાં મલ્ટીપલ્સ એટલે કે ગુણામાં પૈસા કાઢી શકો છો. આ વિડ્રોઅલ ATM દ્વારા કરી શકાય છે.

આપને જણાવી દઇએ કે MOD કરાવનારા ગ્રાહકો માટે તેને લિંકડ સેવિંગ્સ અકાઉન્ટમાં મિનિમમ મંથલી એવરેજ બેલેન્સ જરૂરી છે.આ એક પ્રકારની ટર્મ ડિપોઝિટ છે. પણ આ માટે સૌથી ઉત્ત્।મ છે ગ્રાહકનાં સેવિંગ કે કરંટ અકાઉન્ટનું તેની સાથે લિંકડ હોવું. એવામાં જો ડિપોઝિટર તે લિંકડ અકાઉન્ટમાંથી પૈસા કાઢવા ઇચ્છે છે તો તે અમાઉન્ટ અકાઉન્ટમાં હાજર નહીં હોય તો પૈસા MODથી કાઢી શકે છે. MOD પર પણ એટલું જ વ્યાજ મળે છે જેટલું SBIમાં એક સામાન્ય FD પર મળએ છે. વિડ્રોઅલ બાદ વ્યાજ MODમાં વધેલી રકમ પર મળવાનું શરૂ થાય છે.

કેવી રીતે ખોલાય MOD- આ માટે મિનિમમ ડિપોઝિટ લિમિટ ૧૦,૦૦૦ રૂપિયા છે. બાદમાં તેને આપ ૧૦૦૦ રૂપિયાનાં મલ્ટીપલ્સ એટલે કે ગુણામાં પૈસા ડિપોઝઇટ કરી શકાય છે. તેમાં મેકિસમમ અમાઉન્ટની કોઇ જ લિમિટ નથી.

તે એક વર્ષથી લઇને ૫ વર્ષ સુધીનાં સમય માટે ખોલાવી શકાય છે. તેને પ્રીમેચ્યોર વિડ્રોઅલની પણ સુવિધા છે. જોકે તેનાં પર TDS (ટેકસ ડિડકટેડ એટ સોર્સ) ચુકવવો પડે છે.(૨૧.૭)