Gujarati News

Gujarati News

News of Wednesday, 12th September 2018

૬II કરોડ લોકો ઝૂંપડામાં રહે છે : ડ્રોન - સેટેલાઇટથી ગણત્રી શરૂ

મુંબઇમાં ૬૦ ટકા વસતિ ગેરકાયદે વસાહતોમાં રહે છે : જમીન દબાણો કયાં કર્યા છે તે હવે સરકાર જાણી લેશે : ઓડિસા - મહારાષ્ટ્ર - કર્ણાટકમાં ઝુંપડપટ્ટીની ગણત્રી શરૃઃ ઓડિશા સરકાર આ વર્ષના અંત સુધીમાં ૨ લાખ આવા ગરીબ પરિવારોને સત્તાવાર પરવાનગી આપી દેશે : સરકારી સુવિધાઓ પહોંચાડવાનો હેતુ કે ગેરકાયદે વસાહતો શોધી સફાયો બોલાવાશે ?

નવી દિલ્હી તા. ૧૨ : ભારતમાં ડ્રોન અને સેટેલાઇટની મદદથી ઝુંપડપટ્ટીના વિસ્તારો ઓળખવામાં આવશે. દબાણની ખરી સ્થિતિ જાણવા માટે રાજ્ય સરકારોએ ટેકનોલોજીની મદદ લેવાનું શરૂ કર્યું છે. ઓડિશા, મહારાષ્ટ્ર અને કર્ણાટકે ડ્રોન - સેટેલાઇટની મદદ લેવાનું શરૂ કરી દીધું છે.

ભારતમાં ૬.૫ કરોડ લોકો ઝુંપડપટ્ટીમાં રહેતા હોવાનો અંદાજ છે. દેશના આર્થિક પાટનગર મુંબઇમાં તો લગભગ ૬૦ ટકા વસતિ ગેરકાયદે વસાહતોમાં રહેતી હોવાનું કહેવાય છે. સરકારે જમીન ફાળવી ન હોય અથવા તો ચોક્કસ ધારાધોરણ પ્રમાણે બાંધકામ થયું ન હોય એવા વિસ્તારમાં બંધાયેલા રહેઠાંણો આ વ્યાખ્યામાં આવે છે.

એવા વિસ્તારોની માહિતી મેળવવા માટે હવે લેટેસ્ટ ટેકનોલોજીની સહાય લેવામાં આવશે. ડ્રોન અને સેટેલાઇટ ઇમેજના આધારે ભારતના અલગ અલગ રાજ્યોમાં કવાયત શરૂ થઇ છે.

ઓડિશાએ ડ્રોનની મદદથી આવી ગેરકાયદે વસાહતો ઓળખી કાઢી છે અને વર્ષના અંત સુધીમાં લગભગ બે લાખ જેટલા પરિવારોને સત્તાવાર પરવાનગી આપી દેવામાં આવશે. ઓડિશાના ટાઉન પ્લાનીંગ અધિકારીઓએ જણાવ્યું હતું કે, જે કામ વર્ષોથી શકય બનતું ન હતું, તે હવે ડ્રોનની મદદથી મહિનાઓમાં થયું છે. એ જ રીતે બેંગ્લુરૂમાં પણ ડ્રોનની મદદથી ગેરકાયદે રહેઠાંણો ઓળખવાની કવાયત શરૂ થઇ હતી. સરકારી ચોપડે ૬૦૦ ગેરકાયદે નોંધાયેલ ઝુંપડપટ્ટીનો આંકડો સેટેલાઇટ ઇમેજથી નવેસરથી અહેવાલ તૈયાર થયો તો એ આંકડો ૨૦૦૦ પહોંચ્યો હતો.

રાજ્ય સરકારના અર્બન મેનેજમેન્ટ વિભાગના અધિકારીઓએ એવો મત વ્યકત કર્યો હતો કે સ્લમ કહેવાય એવા વિસ્તારોમાં અથવા તો જેને ગેરકાયદે સાહતો કહીએ છીએ એમાં પાણી સહિતની મુળભૂત સુવિધા એટલે પહોંચી શકતી નથી કે તેની કોઇ જ નોંધ જ ઘણી વખત સરકારી દસ્તાવેજોમાં હોતી નથી.

જો ખરેખર એવા વિસ્તારો ઓળખી કાઢવામાં આવે તો ત્યાં રહેતા લોકોને ઘણા કિસ્સામાં સરકારો આવી સુવિધા પણ આપી શકે. (૨૧.૩)

 

 

(9:48 am IST)
  • જેતપુરમાં સાડી ઉદ્યોગો દ્વારા પ્રદુષણનો મુદ્દો:સાડી ઉદ્યોગને ત્રણ માસ માટે મળી રાહત:ડાઈંગ એસોસિએશને લેખિતમાં ખાતરી અપાતા GPCB એ લીધો નિર્ણય:GPCBએ પ્રદુષણની ખામીયો દૂર કરવા ત્રણ માસનો સમય આપ્યો:સાડી ઉદ્યોગોના ક્લોઝર પર GPCB એ ચાલુ કરવાનો હુકમ આપ્યો. access_time 11:02 pm IST

  • રાહુલે ૫ હજાર કરોડનું કર્યુ કૌભાંડ : બીજેપીના કોંગ્રેસ અધ્યક્ષ પર આકરા પ્રહારો : રાહુલ ગાંધી ગમે ત્યારે ટ્વીટ કરે છે, તેણે કાળા નાણાનો ઉપયોગ કર્યો છે : ૫ હજાર કરોડનું કૌભાંડ પણ તેણે કર્યુ છે : શેલ કંપની પાસેથી રાહુલે લીધી છે લોન : માલ્યાની મદદ ગાંધી પરિવારે કરી છે : રાહુલનું હવાલાથી કનેકશન છે : બીજેપીના જબરા પ્રહારો access_time 4:05 pm IST

  • જૂનાગઢની GMERS મેડિકલ કોલેજના વિદ્યાર્થીઓ મોડી રાત્રે હડતાળ પર ઉતર્યા :વોશરૂમ, લાઈબ્રેરી અને એન્ટ્રી દરવાજાના પ્રશ્નોની વારંવાર રજૂઆત છતાં ઉકેલ ન આવતાં તમામ વિદ્યાર્થીઓ રાત્રિના સમયે હોસ્ટેલમાંથી બહાર નીકળી ગયા: તાજેતરમાં જ વડાપ્રધાન નરેન્દ્ર ભાઈ મોદી દ્વારા આ મેડિકલ કોલેજનું ઉદ્ધાટન કરાયું હતું access_time 1:07 am IST