Gujarati News

Gujarati News

News of Wednesday, 12th September 2018

નાગાલેન્ડ પુર : બે જિલ્લા હજુ સંપૂર્ણપણે સંપર્ક વિહોણા જ છે

બચાવ અને રાહત કામગીરી યુદ્ધના ધોરણે જારી : ફેક અને કિફિરે જિલ્લામાં હાલત હજુ પણ ચિંતાજનક છે

કોહિમા, તા. ૧૧ : નાગાલેન્ડમાં ભીષણ પુરથી સૌથી વધારે પ્રભાવિત બે જિલ્લાઓમાં હાલત કફોડી બનેલી છે. ફેક અને કિફિરે જિલ્લામાં ભેખડો ધસી પડવાના કારણે હાલત કફોડી બનેલી છે. આ જિલ્લાઓમાં ફસાયેલા લોકો સુધી પહોંચવામાં જિલ્લા વહીવટીતંત્રને સફળતા મળી રહી નથી. ફેક જિલ્લા વહીવટીતંત્રનું કહેવું છે કે, તેને આધારભૂત માળખાને થયેલા નુકસાનને પહોંચી વળવા માટે ૪૧૬.૦૬ લાખ રૂપિયા અને કૃષિ માટે પણ આટલા જ રૂપિયાની જરૂર છે. બંને જિલ્લાના વહીવટીતંત્રએ નુકસાન અંગેનો અહેવાલ કેન્દ્રીય ટીમની સમક્ષ રજૂ કરી દીધો છે. કેન્દ્રીય ટીમે આ રિપોર્ટને જાહેર કરી દીધો છે. અધિકારીઓનું કહેવું છે કે અન્ય જિલ્લાઓ પાસેથી પણ રિપોર્ટ માંગવામાં આવ્યા છે. ફેક જિલ્લાના અધિકારીઓનું કહેવું છે કે, જિલ્લા વહીવટીતંત્ર અને જિલ્લા ડિઝાસ્ટર મેનેજમેન્ટ ઓથોરિટી દ્વારા સંપૂર્ણપણે નાશ પામેલા આવાસોમાં મદદ કરવામાં આવી રહી છે.

ભેખડો ધસી પડવાના પરિણામ સ્વરુપે હાલત કફોડી બનેલી છે. ૨૯મી જુલાઈ દિવસે જિલ્લાના સંપર્ક સંપૂર્ણપણે કપાઈ શકે છે. કિફિરે-કોહિમા અને ટ્યુનસાંગ જિલ્લાને જોડનાર નેશનલ હાઈવે ૨૦૨ને ખુબ નુકસાન થયું છે. આ રસ્તા સાથે જોડાયેલા અન્ય વિસ્તારોને પણ ભારે નુકસાન થયું છે. કિફિરે જિલ્લામાં આશરે ૧૧૦ આવાસ રહેલા છે. ખરાબ હવામાનના પરિણામ સ્વરુપે પણ હાલત કફોડી બનેલી છે. નાગાલેન્ડ અને કેરળમાં હાલમાં વિનાશકારી પુરના કારણ ેહાલત કફોડી બની હતી. કેરળમાં ૪૦૦થી પણ વધુ લોકોના મોત થયા હતા. આ ઉપરાંત હજારો લોકોને મુશ્કેલીનો સામનો કરવો પડ્યો હતો. કેરળમાં જનજીવન હવે ધીમીગતિએ પાટા ઉપર આવી રહ્યું છે પરંતુ રોગચાળાનો ખતરો હજુ પણ તોળાઈ રહ્યો છે. સ્થિતિને સુધારવાના બનતા તમામ પ્રયાસ કરાઈ રહ્યા છે.

(12:00 am IST)
  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST

  • અમદાવાદમાં વેપારીનું અપહરણ- લૂંટ : ૧૦ લાખની ખંડણીની માંગ? : અમદાવાદના વસ્ત્રાપુરમાં વેપારીનું અપહરણ કરી બે શખ્સોએ લૂંટ ચલાવી હોવાનું જાણવા મળે છે : વેપારીએ મહિલાને લીફટ આપ્યા બાદ આ ઘટના બની હોવાનું બિનસત્તાવાર જાણવા મળે છે : અપહરણકારોએ રિવોલ્વરની અણીએ લૂંટ ચલાવી વેપારીને પણ ઉપાડી ગયા : ૧૦ લાખની ખંડણીની માંગ કરી છે. access_time 3:44 pm IST