Gujarati News

Gujarati News

News of Wednesday, 12th September 2018

આસારામની સજાને ઓછી કરવા માંગણી સાથે અરજી

રાજ્યપાલ કલ્યાણસિંહને દયાની અરજી મોકલી : વધતી વયને ધ્યાનમાં લેવાની દલીલ : આસારામ જોધપુર સેન્ટ્રલ જેલમાં આજીવન કારાવાસ સજા હાલ ભોગવે છે

જોધપુર, તા. ૧૧ : રાજસ્થાનના જોધપુરની જેલમાં સજા કાપી રહેલા બળાત્કારના અપરાધી આસારામે પોતાની સજા ઓછી કરવા માટે રાજ્યપાલ કલ્યાણસિંહની પાસે દયાની અરજી મોકલી છે. સગીરા સાથે બળાત્કારના મામલામાં આસારામ દોષિત છે અને હાલ સજા હેઠળ જેલમાં છે. ૨૫મી એપ્રિલના દિવસે જોધપુરની અદાલતે આસારામને આજીવન કારાવાસની સજા ફટકારી હતી. આસારામે પાંચ વર્ષ પહેલા પોતાના આશ્રમમાં એક સગીરા પર બળાત્કારના મામલામાં દોષિત ઠેરવવામાં આવ્યા હતા. સજાને પડકાર ફેંકીને આસારામે બીજી જુલાઈના દિવસે હાઈકોર્ટમાં રજૂઆત કરી હતી પરંતુ હાલમાં આ અરજી ઉપર સુનાવણી થઇ શકી નથી. રાજસ્થાનના રાજ્યપાલ કલ્યાણસિંહને તાજેતરમાં જ આસારામની દયાની અરજી મળી છે જેને ગૃહમંત્રાલયની પાસે મોકલી દેવામાં આવી છે. વિસ્તૃત રિપોર્ટની માંગ કરવામાં આવી છે. પોતાની દયાની અરજીમાં આસારામે આજીવન કારાવાસની સજાને કઠોર દંડ તરીકે ગણાવીને આને ઓછી કરવાની માંગ કરી છે. પોતાની વયનો પણ ઉલ્લેખ કરવામાં આવ્યા છે. જોધપુર સેન્ટ્રલ જેલ વિભાગના અધિકારીઓએ આ અરજીને આગળ વધારી છે. તેના ઉપર જિલ્લા વહીવટીતંત્ર અને પોલીસ પાસેથી રિપોર્ટની માંગ કરવામાં આવી છે. જોધપુર સેન્ટ્રલ જેલના અધિકારી કૈલાશ ત્રિવેદીનું કહેવું છે કે, અમને આસારામની દયાની અરજી મળી છે જેના ઉપર એક રિપોર્ટ જિલ્લા વહીવટીતંત્ર અને પોલીસને આપવાની જરૂર છે. ૧૬ વર્ષની પીડિતાએ પોતાની ફરિયાદમાં કહ્યું હતું કે, આસારામે પાંચમી ઓગસ્ટ ૨૦૧૩ના દિવસે જોધપુરના મનાઈ વિસ્તારમાં આવેલા પોતાના આશ્રમમાં તેને બોલાવી હતી અને તેના ઉપર બળાત્કાર ગુજાર્યો હતો. ભોગ બનેલી યુવતી શાહજહાંપુરથી સંબંધ ધરાવતી હતી. આસારામના મધ્યપ્રદેશના આશ્રમમાં આ બાળકી ભણતી હતી. આસારામ છેલ્લા ઘણા સમયથી કાયદાકીય સકંજાનો સામનો કરી રહ્યા છે.

(7:38 pm IST)
  • પોલીસના જાપ્તામાંથી 3 આરોપી ફરાર :વાપીની ડુંગરા પોલીસના જાપ્તામાંથી આરોપીઓ નાશી ગયા : આરોપીઓને કોર્ટમાં લઈ જતા કોર્ટ પરિસરમાં જ જીપમાંથી કૂદીને થયા ફરાર: ચોરીના ગુનામાં પોલીસના હાથે ઝડપાયા હતા:ફરાર આરોપીઓને શોધવા જિલ્લાભરની પોલીસ દોડતી access_time 11:27 pm IST

  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • નરેન્દ્રભાઈ મોદી તેમનો ૬૮મો જન્મદિવસ વારાણસીમાં ઉજવશે access_time 4:05 pm IST