Gujarati News

Gujarati News

News of Wednesday, 12th September 2018

લખનઉનો કોલેજીયન પોર્નસ્ટાર બની લાખો કમાવવાની લાલચમાં સપડાયોઃ અેક ગેંગે ૧૦,૦૦૦ પડાવ્યા

લખનઉ: 4G ઈન્ટરનેટ મફતના ભાવે મળતું થતાં યંગસ્ટર્સમાં મોબાઈલ પર પોર્ન ફિલ્મો જોવાનો ક્રેઝ જોરદાર વધ્યો છે. જોકે, આવી ફિલ્મોમાં કામ કરવાની લાલચ રાખનારા કેટલાક કોલેજના સ્ટૂડન્ટ્સને હવે રોવાનો વારો આવ્યો છે. કોલેજ સ્ટૂડન્ટ્સને એક ફોન આવ્યો ત્યારથી તેઓ પોર્ન સ્ટાર બનવાના સપનાં જોતા હતા, પરંતુ તેમનું સપનાનો અંત કંઈક અલગ હતો.

લખનઉ શહેરમાં બનેલી ઘટનામાં શહેરની પ્રતિષ્ઠિત કોલેજમાંથી બીકોમ કરી રહેલો એક સ્ટૂડન્ટ પોર્ન સ્ટાર બની લાખો કમાવવાની લાલચ આપનારી એક ગેંગનો શિકાર બન્યો. પોતે ઠગાયો છે તેવું મહેસૂસ થતાં સ્ટૂડન્ટ પોતાના સીનિયરોને લઈને પોલીસ સ્ટેશન પહોંચ્યો. જ્યાં તેણે કહ્યું હતું કે, કઈ રીતે એક ગેંગે એસ્કોર્ટ સર્વિસમાં એક રાતમાં 20 થી 30 હજાર અને પોર્ન ફિલ્મોમાં કામ કરી લાખો કમાવવાની લાલચ આપી તેની પાસેથી 10,000 રુપિયા પડાવ્યા.

સ્ટૂડન્ટે જણાવ્યું હતું કે, તેણે ટ્યૂશન ટીચર માટે એક વેબસાઈટ ખોલી હતી. બીજા દિવસે તેના નંબર પર એક યુવતીનો ફોન આવ્યો. યુવતીએ તેને પહેલા તો એસ્કોર્ટ સર્વિસ અંગે જણાવ્યું, અને પછી એક વ્યક્તિનો ફોન આવ્યો જેણે એક બેંક અકાઉન્ટ નંબર આપ્યો. જેમાં રજિસ્ટ્રેશન ફી તરીકે 10,000 રુપિયા જમા કરાવી દેવા માટે કહેવાયું.

રુપિયા જમા કરાવ્યા બાદ સ્ટૂડન્ટને દર કલાકે ફોન આવવા લાગ્યા હતા, અને તેને કહેવામાં આવ્યું હતું કે તેને જલ્દી સર્વિસ માટે મોકલવામાં આવશે. રાત્રે નવ વાગયા બાદ તેને એડ્રેસ અને ફોન નંબર અપાશે. દરેક સર્વિસ પર તેને 20 થી 30 હજાર રુપિયા મળશે. ગઠિયાઓએ તેને એમ પણ કહ્યું હતું કે જો કસ્ટમર સર્વિસ સારી હોવાનો ફીડબેક આપે તો રકમ ઓછી પણ થઈ શકે છે.

હદ તો ત્યારે થઈ ગઈ કે બાટલીમાં ઉતરી ચૂકેલા યુવકને ગઠિયાઓએ એમ કહી લલચાવ્યો કે જો એસ્કોર્ટ તરીકે તે સારી સર્વિસ આપશે તો તેને પોર્ન ફિલ્મોમાં પણ કામ મળશે. જેના માટે તેને દરેક ફિલ્મ દીઠ દોઢ લાખ રુપિયા ફી મળશે. ઓફરથી ખુશ થઈ ગયેલા સ્ટૂડન્ટે પોતાના સીનિયર્સને અંગે કહ્યું ત્યારે તેમણે તેને ખખડાવ્યો હતો અને તેને લઈ પોલીસ સ્ટેશન પહોંચ્યા હતા, જ્યાં સમગ્ર કાંડ સામે આવ્યો હતો.

(12:00 am IST)