Gujarati News

Gujarati News

News of Thursday, 13th August 2020

ઇઝરાઇલ અને સંયુક્ત આરબ અમીરાત વચ્ચે ઐતિહાસિક શાંતિ સમજૂતી :ટ્રમ્પએ કરી ઘોષણા

આ ઐતિહાસિક સફળતા મધ્ય પૂર્વમાં શાંતિ વધારશે: ઇઝરાઇલ પશ્ચિમ કાંઠાના મોટા ભાગોને જોડવાની તેની યોજના મુલતવી રાખશે

ઇઝરાઇલ અને સંયુક્ત આરબ અમીરાત વચ્ચેના સંબંધોને સામાન્ય બનાવવા અંગે સંમતિ થઈ છે જેની અમેરિકાના રાષ્ટ્રપતિ ડોનાલ્ડ ટ્રમ્પે ઘોષણા કરી છે

સંયુક્ત નિવેદનમાં અમેરિકાના રાષ્ટ્રપતિ ડોનાલ્ડ ટ્રમ્પ,ઇઝરાઇલના વડા પ્રધાન બિન્યામિન નેતન્યાહૂ અને અબુ ધાબીના ક્રાઉન પ્રિન્સ મોહમ્મદ અલ નહ્યાનને કહ્યું હતું કે તેઓને આશા છે કે "આ ઐતિહાસિક સફળતા મધ્ય પૂર્વમાં શાંતિ વધારશે.
તેમણે કહ્યું કે તેના પરિણામે ઇઝરાઇલ પશ્ચિમ કાંઠાના મોટા ભાગોને જોડવાની તેની યોજના મુલતવી રાખશે.
અત્યાર સુધી ઇઝરાઇલને અખાતનાં અરબ દેશો સાથે કોઈ રાજદ્વારી સંબંધો નહોતા.જો કે, ઇઝરાઇલ અને અરબ દેશોની આ ક્ષેત્રમાં ઇરાન વિશે સમાન ચિંતાઓ છે, જેના કારણે બંને પક્ષો વચ્ચે અનૌપચારિક સંપર્ક થઈ રહ્યો છે

  જોકે અન્ય ગલ્ફ દેશોથી વિપરીત, ઇઝરાઇલના અન્ય બે અરબ દેશો- જોર્ડન અને ઇજિપ્ત સાથે રાજદ્વારી સંપર્કો છે.
રાષ્ટ્રપતિ ટ્રમ્પની ઘોષણાના જવાબમાં ઇઝરાઇલના વડા પ્રધાન બિનાયામન નેતન્યાહુએ હિબ્રુ ભાષામાં ટ્વિટ કર્યું: ઐતિહાસિક  દિવસ.

યુએઈમાં યુએઈના રાજદૂત યુસુફ અલ ઓતાઇબાએ એક નિવેદનમાં કહ્યું કે "આ મુત્સદ્દીગીરી અને ક્ષેત્ર માટેનો વિજય છે."સાથે  તેમણે કહ્યું, "અરબ-ઇઝરાઇલ સંબંધોમાં આ એક મહત્વપૂર્ણ પ્રગતિ છે, જે તણાવ ઘટાડશે અને સકારાત્મક પરિવર્તન માટે નવી ઉર્જા પેદા કરશે

  1948 માં ઇઝરાઇલે સ્વતંત્રતાની ઘોષણા કર્યા પછી આ માત્ર ત્રીજો ઇઝરાઇલ-અરબ શાંતિ કરાર છે.અગાઉ ઇજિપ્ત 1979 અને જોર્ડનમાં 1994 માં કરાર પર હસ્તાક્ષર કર્યા હતા
આવતા અઠવાડિયામાં ઇઝરાઇલ અને યુએઈના પ્રતિનિધિમંડળની બેઠક મળશે અને રોકાણ, પર્યટન, સીધી ફ્લાઇટ્સ, સુરક્ષા, દૂરસંચાર, ટેકનોલોજી,ઉર્જા , આરોગ્ય, સંસ્કૃતિ, પર્યાવરણ અને પરસ્પર દૂતાવાસોની સ્થાપના માટે દ્વિપક્ષીય કરાર કરવામાં આવશે.
સંયુક્ત નિવેદન મુજબ, બંને દેશો યુએસ સાથે "મધ્ય પૂર્વ માટે વ્યૂહાત્મક એજન્ડા" શરૂ કરવા પણ જોડાશે.
 નેતાઓએ જણાવ્યું હતું કે વિસ્તારમાં ધમકીઓ અને તકો પ્રત્યેનો તેમનો અભિગમ સમાન છે. તે જ સમયે, તેઓ રાજદ્વારી જોડાણ, આર્થિક એકીકરણ અને સુરક્ષા દ્વારા સ્થિરતાને પ્રોત્સાહન આપવા માટે એક સહિયારી પ્રતિબદ્ધતા પણ વ્યક્ત કરે છે.

(11:14 pm IST)
  • ગોંડલમાં ઉમવાડા બ્રિજ નીચે ભરાયેલા પાણીમાં એમ્બ્યુલન્સ ફસાણી:. સવારે એસ.ટી બસ પછી અત્યારે બપોરે એમ્બ્યુલન્સ ફસાંઈ હતી જેને મહામહેનતે બહાર કાઢવામાં આવી રહી હતી access_time 4:32 pm IST

  • સપ્ટેમ્બરમાં મોદી કેબીનેટમાં ધરખમ ફેરફાર થવાની શકયતા access_time 4:29 pm IST

  • છેલ્લા ર૪ કલાકમાં રેકોર્ડબ્રેક ૬૬,૯૯૯ નવા કેસ નોંધાયાઃ ૯૪ર ના મોતઃ કુલ સંક્રમિતોની સંખ્યા ર૩ લાખ ૯૬ હજારને પાર પહોંચ્યો છે. સ્વસ્થ દર્દીઓની સંખ્યા ૧૭ લાખને નજીક પહોંચ્યો છે. access_time 11:15 am IST