ઉધાર લીધેલા પૈસા પાછા ન આપવા માતાએ પુત્રની હત્યા કરાવી!

News of Monday, 13th August 2018

ઉધાર લીધેલા પૈસા પાછા ન આપવા માતાએ પુત્રની હત્યા કરાવી!

એક પુત્ર દ્વારા બીજાની હત્યા કરાવી

બરેલી તા. ૧૩ : ઉત્તર પ્રદેશના બરેલી જિલ્લાના એક ગ્રામીણ વિસ્તારમાં એક કિશોરની તેના ભાઈ દ્વારા હત્યા કરાવવાના આરોપમાં તેની માતાને અરેસ્ટ કરવામાં આવી છે. પોલીસનું કહેવું છે કે, મહિલાએ આ કરતૂત એટલે કરી કારણ કે, નાના દીકરાએ એક કરિયાણાના વેપારી પાસેથી અઢી લાખ રૂપિયા લઈ તેને આપ્યા હતા અને મહિલા તેને પરત કરવા માગતી નહોતી. પોલીસ અધિક્ષક સતીષ કુમારે જણાવ્યું કે, જિલ્લાના શીશઘઢ પોલીસ વિસ્તારના ગામ ગિરધરપુરના રહેવાસી વિપિન(૧૪)નો મૃતદેહ ગત વર્ષે ૨૩ ડિસેમ્બરે ગામના એક બગીચામાંથી મળ્યો હતો. વિપિનના પરિવારજનોએ કરિયાણાના વેપારી અવતાર મૌર્ય પર હત્યાનો આરોપ લગાવી ગુનો નોંધ્યો હતો. જોકે, પોલીસને હત્યા અંગે પરિવાર પર પણ શંકા હતી. તેમણે જણાવ્યું કે, તપાસ દરમિયાન પોલીસે વિપિનના બનેવી રાજેન્દ્રને થોડા દિવસ પહેલા કસ્ટડીમાં લઈને પૂછપરછ કરી ત્યારે તેણે ખુલાસો કરી દીધો. તેમણે જણાવ્યું કે, ઘટનાના ખુલાસા બાદ ગંગા દેવી (મૃતકની માતા) અને તેનો પુત્ર માનસિંહ ગાયબ હતા. ગંગા દેવીને શનિવારે પકડી પાડવામાં આવી જયારે માનસિંહની શોધખોળ હજુ ચાલી રહી છે.(૨૧.૯)

(11:39 am IST)