Gujarati News

Gujarati News

News of Monday, 13th August 2018

અમેરિકામાં ઈવીએમ થયા હેકઃ હેકર્સે ઉમેદવારોના નામ તથા પ્રતિક બદલી નાખ્યાઃ છેડછાડ શકય હોવાનું જણાયું

૪૦ હેકર્સે ઈવીએમમાં છેડછાડ કરી બતાડી દીધું કે ચૂંટણીમાં તે કઈ રીતે હેક થઈ શકે છે

નવી દિલ્હી, તા. ૧૩ :. ઈલેકટ્રોનિક વોટીંગ મશીન (ઈવીએમ) હેક થઈ શકે કે નહિં ? એ બાબતે ચાલતી ચર્ચા વચ્ચે અમેરિકામાં એક એવી ઘટના બની છે જે ભારત સહિતના દેશો માટે ચિંતા ઉપજાવે છે. મળતા અહેવાલો મુજબ ઈવીએમ હેક થઈ શકે છે. હેકરોએ મશીન હેક કરી બદલી નાખ્યા હતાં ચૂંટણીના પ્રતિકો અને ઉમેદવારોના નામ. લગભગ ૪૦ જેટલા હેકર્સે ઈવીએમમાં છેડછાડ કરી બતાડી દીધું હતુ કે ચૂંટણીમાં મશીન હેક થઈ શકે છે.

સીએનએનના રિપોર્ટ મુજબ વાર્ષિક 'ડેફ કોન હેકર કન્વેન્શન'માં ઉપસ્થિત થયેલા ચૂંટણી અધિકારીઓએ જોયું હતું કે, હેકર્સ વોટીંગ મશીનો સાથે શું શું કરી શકે છે ? રિપોર્ટ અનુસાર એક હેકર વાસ્તવમાં વોટીંગ મશીનને એક જ્યુકબોકસમાં બદલી શકે છે, જેઓ તેને સંગીત વગાડવા અને ચિત્ર બતાડવાનું મશીન બનાવી શકે છે.

રિપોર્ટ મુજબ કેટલાક હેકર્સે ચૂંટણી અધિકારીઓને ચિંતામાં નાખી દીધા હતા. સંમેલનમાં લગભગ ૪૦ હેકર્સ ચૂંટણી પંચની વેબસાઈટ પર વોટ ટેલીના નકલી સંસ્કરણ સાથે છેડછાડ કરવામાં સફળ રહ્યા હતા. કેટલાકે ઉમેદવારોના નામ પણ બદલી નાખ્યા હતા.

કેલીફોર્નિયાના વિદેશમંત્રી એલેકસ પેડીલ્લાએ કહ્યું હતુ કે ચૂંટણીમાં પ્રમાણિકતાને લઈને અમે હંમેશ ચિંતિત રહીએ છીએ અને હવે ઈવીએમ હેક થયા બાદ નિષ્પક્ષ ચૂંટણી પર સવાલ પણ ઉઠવા લાગ્યા છે.

ભારતમાં ઈવીએમને લઈને હંમેશા વિપક્ષો સવાલ ઉઠાવતા હોય છે. કેટલીક વિધાનસભાની ચૂંટણીમાં એક પક્ષોને પરાજય સહન કરવો પડયો હતો. જે પછી ઈવીએમ હેકને લઈને આરોપો લાગતા હતા. ઈવીએમ હેકીંગથી ચિંતિત વિપક્ષોએ આગામી લોકસભા અને કેટલાક રાજ્યોની ચૂંટણી બેલેટ પેપરથી કરવાની માંગણી કરી છે.(૨-૨)

(11:36 am IST)
  • રાહુલ ગાંધી હતાશાને કારણે જૂઠું બોલવાની પરાકષ્ટતા સર્જે છે ;રાફેલ ડીલ મુદ્દે રાહુલ ગાંધી પર પલટવાર કરતા ભાજપના નેતા રવિશંકર પ્રસાદે કહ્યું કે યુપીએ સરકારના સમયની તુલનામાં એનડીએ સરકારે નક્કી કરેલ સોદાની કિંમત 9 ટકા ઓછી છે :રવિશંકર પ્રસાદે એમ પણ કહ્યું કે રાહુલ પોતાના જૂઠાણાં ચલાવવા દેશ હિતની પણ પરવા કરતા નથી access_time 12:54 am IST

  • રાહુલ ગાંધી અને અમિતભાઈની સટાસટ્ટી : કર્ણાટકના બીદરમાં રેલીને સંબોધતા રાહુલ ગાંધીએ કહ્યું હતું કે, મોદીજીને મારી સામે મંચ ઉપર ઉભા કરી દયો તો રાફેલ વિમાન સોદા અંગે એક મિનિટ પણ ઉભા રહી શકશે નહિં તેમણે તમારા (પ્રજાના) પૈસાની ચોરી કરી છે, દરમિયાન ભાજપના અધ્યક્ષ અમિતભાઈ શાહે મેરઠમાં કહ્યું છે કે વિરોધ પક્ષ સાથે કેમ કામ લેવુ તે ચિંતા મારા ઉપર છોડી દો તમે સરકારની યોજનાઓ નીચે સુધી લઈ જાઓ : ઉ.પ્ર.માં કોંગ્રેસ, સમાજવાદી પક્ષ અને બસપા સાથે મળે તો પણ અમે જ જીતી જશુ access_time 5:31 pm IST

  • ગુજરાતનાં આઈએએસ ઓફીસર અને એડીશ્નલ સીઈઓ શ્રી લલીત પાડલીયાની હાયર એજ્યુકેશન ડિપાર્ટમેન્ટમાં બદલી કરવામાં આવી છે access_time 5:30 pm IST