Gujarati News

Gujarati News

News of Friday, 13th July 2018

મોદી સિવાય કોઈ વડાપ્રધાન વિદેશી શક્તિ સામે ઝૂક્યા નથી :રાહુલ ગાંધી

એજન્ડા વગરની ચીન યાત્રા અને માઉન્ટેન સ્ટ્રાઇક કોરની રચનાને અભેરાઈએ ચડાવતા રાહુલના આકરા પ્રહાર

 

નવી દિલ્હી : કોંગ્રેસ અધ્યક્ષ રાહુલ ગાંધીના ચીનને ધ્યાનમાં રાખીને સેનાની એક કોર ગઠિત કરવાના પ્રસ્તાવ કથિત રીતે અભેરાઈએ ચઢાવી દેવાના મુદ્દે વડાપ્રધાન નરેન્દ્રભાઈ  મોદી પર શાબ્દિક પ્રહાર કર્યો અને દાવો કર્યો કે આઝાદ ભારતના ઇતિહાસમાં મોદીને છોડીને કોઇ બીજા વડાપ્રધાન વિદેશી શક્તિ સામે ઝુક્યા નથી.

 ગાંધીએ એક સમાચાર પત્રને શેર કરતા ટ્વીટ કર્યું, આપણા વડાપ્રધાને એજન્ડા વગર ચીનની યાત્રા કરી. તેમાં ચીનનો ગુપ્ત એજન્ડા હતો જે હવે સામે આવી રહ્યો છે

  રાહુલે કહ્યું કે, ભારતનાં ઇતિહાસમાં કોઇ પણ વડાપ્રધાન વિદેશી શક્તિના દબાણમાં નથી ઝુક્યું, જો કે તે વડાપ્રધાન ઝુક્યા છે. તે ભાજપનો રાષ્ટ્રવાદ છે જે તમામની સામે આવી ચુક્યું છે.

 પોતાનાં ટ્વીટની સાથે રાહુલ ગાંધીએ જે સમાચાર શેર કર્યા છે જેમાં કહેવામાં આવ્યું છે કે, વિશેષ રીતે ચીનને ધ્યાનમાં રાખતા સેનાએ માઉન્ટેન સ્ટ્રાઇક કોરની રચનાની યોજના બનાવવામાં આવી હતી જો કે આર્થિક અભાવના કારણે તેને અભેરાઈએ ચઢાવી દેવામાં આવી છે

(11:14 pm IST)
  • જૂનાગઢ પંથકમાં બારે મેઘ ખાંગા: સવારથી જ જૂનાગઢ અને આસપાસના વિસ્તારોમાં ભારે વરસાદ : ઠેક ઠેકાણે ભરાયા પાણી : ગિરનારના જંગલમાં અને શહેરમાં ધુવાધાર વરસાદ : વિલિંગડન અને હસ્નાનપુર ડેમમાં નવા નીર : ગિરનાર પર્વત પર ધોધમાર વરસતા વરસાદનો જુઓ વિડીયો access_time 11:21 pm IST

  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST

  • ભાજપના પૂર્વ ઉપાધ્યક્ષ જયંતિ ભાઈ ભાનુશાળી પર બળાત્કારના આરોપનો મુદ્દો : સુરત પોલીસ કમિશ્નરનુ ટેલિફોનિક નિવેદન :અરજીની તપાસ કાપોદ્રા પોલીસ સ્ટેશનના PIને સોંપવામાં આવી: પહેલા પ્રાથમિક અરજીની તપાસ કરવામાં આવશે બાદમાં આગળની કાર્યવાહી હાથ ધરવામાં આવશે access_time 12:13 am IST