Gujarati News

Gujarati News

News of Friday, 13th July 2018

પાકિસ્તાનમાં ચૂંટણી રેલીમાં બૉમ્બ બ્લાસ્ટ :85 લોકોના મોત :150થી વધુ ઘાયલ

ક્વેટાના માસ્તુંગમાં ઉમેદવારનું મોત :અનેક નેતાઓ ઘાયલ :સ્ફોટક સ્થિતિ

 

પાકિસ્તાનના ખૈબર પસ્તૂનવા પ્રાંતમાં બે બૉમ્બ વિસ્ફોટ થયા હતા, જેમાં 85 લોકોનાં મૃત્યુ થયા છે, જ્યારે 150થી વધુ લોકો ઘાયલ થયા છે.પાકિસ્તાનની પ્રદેશિક સરકારના આરોગ્યપ્રધાન ફૈઝ કાકર કહેવા પ્રમાણે, કમ સે કમ 100 લોકોના મૃત્યુ થયા છે.

  ક્વેટાના માસ્તુંગમાં થયેલા વિસ્ફોટમાં ઉમેદવારનું મૃત્યુ થયું છે. જ્યારે બાનુ શહેરમાં થયેલા વિસ્ફોટમાં ચાર લોકોનાં મૃત્યુ થયા છે. જ્યારે 24 અન્ય ઘાયલ થયા છે.

 પાકિસ્તાની તાલિબાને હુમલાની જવાબદારી સ્વીકારી છે.

મહિનાની શરૂઆતમાં પાકિસ્તાનની એકાઉન્ટિબિલિટી કોર્ટે નવાઝ શરીફને દસ વર્ષ તેમના પુત્રીને સાત વર્ષ તથા તેમના જમાઈને એક વર્ષની સજા ફટકારી હતી.

  નવાઝ શરીફ શુક્રવારે લંડનથી વતન પરત ફર્યા તે પહેલાં ચૂંટણી રેલીઓમાં વિસ્ફોટ થયા હતા.

પાકિસ્તાનમાં 25મી તારીખે ચૂંટણીઓ યોજાવાની છે, તે પહેલાં વધુ હિંસા થાય તેવી આશંકા સેવવામાં આવી રહી છે.

 

પાકિસ્તાનમાં બે અલગ-અલગ જગ્યાઓ પર થયેલી ચૂંટણીની રેલીમાં બોમ્બ વિસ્ફોટ થયા છે પહેલો હુમલો પાકિસ્તાનનાં ઉત્તરી પશ્ચિમમાં અંજામ આપ્યો હતો  બોમ્બ ધમાકામાં કટ્ટરપંથી ઇસ્લામી પાર્ટીનાં વરિષ્ઠ નેતા તો બચી ગયાં પરંતુ આમાં 5 લોકોનાં મોત નિપજ્યાં છે અને 37 લોકો ઘાયલ થઇ ગયાં છે.

ઉત્તરી વજીરિસ્તાન કબાઇલી જિલ્લાથી સટે બન્નુ જિલ્લામાં થયેલ બોમ્બ વિસ્ફોટમાં જમીયત ઉલેમા--ઇસ્લામ-ફઝલનાં નેતા અને પૂર્વ કેન્દ્રીય મંત્રી અકરમ દુર્રાની મામૂલી રૂપથી ઘાયલ થઇ ગયાં છે. દુર્રાનીને સામાન્ય ઇજા પણ આવી છે. વિસ્ફોટક એક મોટર સાયકલ પર લગાવેલાં હતાં. મોટર સાઇકલ જેવી દુર્રાનીનાં વાહનની નજીક આવી ને તુરંત એમાં વિસ્ફોટ થયો.

હુમલા બાદ બલૂચિસ્તાનનાં દારેનગઢ વિસ્તારમાં બલૂચિસ્તાન અવામી પાર્ટી (બીએપી)નાં ઉમેદવાર નવાબઝાદા સિરાજ રાયસૈનીની ચૂંટણી રેલી દરમ્યાન વિસ્ફોટ થઇ ગયો. જેમાં 33 લોકો સહિત બીએપી ઉમેદવારનું મોત થઇ ગયું છે. હમણાં ગઠિત બલૂચિસ્તાન અવામી પાર્ટીનાં ઉમેદવાર સિરાજ રાયસૈની પૂર્વ બલૂચિસ્તાનનાં મુખ્યમંત્રી નવાબ અસલમ રાયસૈનીનાં નાનાં ભાઇ હતાં.

(10:24 pm IST)
  • અમદાવાદમાં પ્લાસ્ટિકના પાણીના પાઉચના ઉત્પાદન અને વેચાણ પર પ્રતિબંધ મૂકતા AMCના નિર્ણયને હાઇકોર્ટની બહાલી:પાઉચનું ઉત્પાદન કરનારા મેન્યુફેક્ચરર્સની અરજી હાઇકોર્ટે ફગાવી: કેન્દ્ર સરકારના નોટિફિકેશન GPCB અને રાજ્ય સરકારની રજુઆતોને સાંભળ્યા બાદ કોર્ટે અરજી અમાન્ય રાખી access_time 8:30 pm IST

  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST