Gujarati News

Gujarati News

News of Friday, 13th July 2018

પેટ્રોલ-ડીઝલ કારો પર વધુ ટેક્ષ લાગવાની શકયતા

ઇ-વાહનોને પ્રોત્સાહન આપવા માટે વધુ ટેક્ષની યોજનાઃ એક ટકા ટેક્ષૅ વધારવાથી ૧૦ લાખ ઇ-વાહનોને સબસીડી

નવીદિલ્હી, તા.૧૩: દેશમાં ઇલેકટ્રોનીક વાહનોને પ્રોત્સાહન આપવા માટે સરકાર પેટ્રોલ અને ડિઝલકાર પર થોડો વધુ ટેક્ષ લગાવાની યોજના બનાવી રહી છે.

નાણામંત્રાભયનું માનવું છે કે આ પગલાથી સરકાર પર ઇલેકટ્રોનીક વાહનોની ફેમ યોજનાને પ્રોત્સાહન આપવાનો અતિરિકત બોઝ પડશે નહી. આ જાણકારી નાણામંત્રાલય દ્વારા ફેમ યોજનાનાં અન્ય ચરણ માટે એકિઝકયુટીવ ફાઇનાન્સ કમીટીને મોકલેલા એક મેમોરેન્ડનથી મળી છે.

ઇન્ડસ્ટ્રીના જાણકારોના જણાવ્યા મુજબ આ પગલાથી લોકો પેટ્રોલ અને ડિઝલ કારોની ખરીદી ઓછી કરશે. આ અહેવાલ પર સિવામે કોઇ ટીપ્પણી કરી નથી. ઇલેકટ્રીક વાહનોના નિર્માતા સાથે જોડાયેલ અધિકારી સોહિંદર ગિર્લ જણાવ્યું કે સરકારની પાસે સબસિડિ આપવા માટે રોકડની અછત છે. ગ્રાહક ત્યારે જ ઇલેકટ્રોનીક વાહનની ખરીદી કરશે જયારે તેની કિંમત પેટ્રોલ-ડિઝલ વાહનો જેટલી હશે.તેના જણાવ્યા મુજબ પેટ્રોલ-ડિઝલ વાહનો પર એક ટકા ટેક્ષ વધારવાથી મોટી માત્રામાં પૈસા આવશે. જેનાથી ૧૦ લાખ વાહનોને સબસીડી  આપી શકાશે. બીજીબાજુ ભારે ઉધોગ મંત્રાલયે ફેમ સ્ક્રીમને ૨૦૨૨-૨૩ સુધી ચલાવા માટે ૯,૩૮૧ કરોડ રૂપિયાની માંગ કરી છે.(૨૨.૯)

(1:53 pm IST)
  • પેથોલોજી લેબના રિપોર્ટમાં M.D.ની સહી અનિવાર્ય : ગુજરાત એસોસિએશન ઓફ પેથોલોજિસ્ટ એન્ડ માઈક્રો બાયોલોજીસ્ટ ના પ્રેસિડેન્ટ ડો. રાજેન્દ્ર લાલાણીની જાહેરાત : ચોક્કસ લાયકાત વાળા ડોકટરો સિવાયની પેથોલીજી લેબોરેટરી બાબતે કોર્ટનો મહત્વનો નિર્ણય : કોર્ટ દ્વારા આવી લેબોરેટરીના સંચાલકોએ કરેલી રીવ્યુ પિટિશન ફગાવી દેવામાં આવી : સુપ્રીમ કોર્ટે આ પૂર્વે 12-12-17ના રોજ ગેરકાયદે પેથોલોજી લેબ બાબતે આપ્યો હતો ઐતિહાસિક ચુકાદો : ચુકાદામાં કોર્ટે કરેલા નિર્દેશ મુજબ પેથોલોજી લેબના રિપોર્ટમાં M.D.ની સહી અનિવાર્ય : લેબ ધારકોની કોર્ટમાં પડકારતી રીવ્યુ પિટિશન ફગાવી દેવાતા એમ ડી પેથોલોજી વિનાની લેબોરેટરી કરવી પડશે બંધ access_time 1:27 am IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • અલ્હાબાદ રહેતા ક્રીકેટર મોમ્હમદ કૈફે લીધો સન્યાસઃ ક્રીકેટરના તમામ ફોર્મટમાંથી નિવૃતી લીધીઃ ટ્વિટર પર મેસેજ કરીને નિવૃતીની કરી જાહેરાતઃ સન્યાસના એલાન સાથે બે પેઝની ચીઠી જારી કરીને સિનીયર્સ-સાથી ખેલાડીયો અને પરિવારનો અભાર વ્યકત કર્યો access_time 7:29 pm IST