Gujarati News

Gujarati News

News of Friday, 13th July 2018

‘‘હેલ્‍થ કેર હીરોઝ એવોર્ડ'': અમેરિકાના ન્‍યુજર્સીમાંᅠNJBIZ ના ઉપક્રમે આરોગ્‍ય ક્ષેત્રે સેવાઓ આપતા ઓર્ગેનાઇઝેશન્‍શનું બહુમાન કરાયું: છેલ્લા ર૦ વર્ષથી કાર્યરત નોનપ્રોફીટ ‘‘ઇન્‍ડિયન હેલ્‍થ કેર ઓફ ન્‍યુજર્સી (IHCNJ)'' ને ‘‘એજયુકેશન હીરો એવોર્ડ'' એનાયત

(દિપ્તીબેન જાની દ્વારા ) ન્‍યુજર્સી : તાજેતરમાં ૧૯ જુન ર૦૧૮ મંગળવારના રોજ અમેરિકાના  ન્‍યુજર્સીમાં આવેલા સમરસેટના પેલેસમા હેલ્‍થ કેર હીરોઝ એવોર્ડ વિતરણ પ્રોગ્રામ યોજાઇ ગયો.

ન્‍યુજર્સીના NJBIZ  ના ઉપક્રમે યોજાઇ ગયેલા આ પ્રોગ્રામમાં ઇન્‍ડિયન હેલ્‍થ કેમ્‍પ ઓફ ન્‍યુજસી (IHCNJ)  ને એજયુકેશન હીરો એવોર્ડ એનાયત કરાયો હતો.

છેલ્લા ર૦ વર્ષથી એશિયન અમેરિકન પ્રજાજનોની આરોગ્‍ય સેવાઓ માટે કાર્યરત નોન પ્રોફિટ IHCNJ  દ્વારા અત્‍યાર સુધીમાં વીમો નહી ધરાવતા અથવા ઓછો ધરાવતા ૧૦ હજાર જેટલા પ્રજાજનોનું વિનામૂલ્‍યે નિદાન કરી  અપાયું છે.  તથા રોગો થતા અટકાવવા માર્ગદર્શન અપાયું છે. જે કાર્ય IHCNJ ના પ્રેસિડન્‍ટ ડો. તુષાર પટેલ તથા ટ્રસ્‍ટી  ડો. અશોક પટેલની ટીમ દ્વારા કરાયું છે.

હેલ્‍થ કેર હીરોઝ પ્રોગ્રામમાં  જુદી જુદી કેટેગરી હેઠળ જુદા જુદા  ઓર્ગેનાઇઝેશન્‍શને એવોર્ડ એનાયત કરાયા હતા. જે વિજેતાઓને પસંદ કરવા માટે હોસ્‍પિટલ એલાયન્‍સ ઓફ  ન્‍યુજર્સીના પ્રેસિડન્‍ટ તથા CEO  સુઝાને ઇરવાની હેલ્‍થ કેર ઇન્‍સ્‍ટીટયુટ ઓફ ન્‍યુજર્સીના પ્રેસિડન્‍ટ તથા CEO  ડિન જે. પારાનિકસ ન્‍યુજર્સી સ્‍ટેટ નર્સીસ એશોશિએશનનાં CEO જયુડી સમિર એ પોઇન્‍ટ પધ્‍ધતિ  દ્વારા નિર્ણાયક તરીકે સેવાઓ આપી હતી.

આ તકે ૪૦૦  ઉપરાંત ગેસ્‍ટ હાજર રહ્યા હતા.  સમગ્ર પ્રોગ્રામનું કવરેજ તથા વિશેષ માહિતી  www.njbiz.com/events   દ્વારા અથવા aacquaviva@njbiz.com  દ્વારા અથવા કોન્‍ટેક નં. (૭૩૨)૨૪૬-૫૭૧૩ દ્વારા મેળવી શકાશે તેવું  IHCNJ પ્રેસિડન્‍ટ ડો. તુષાર પટેલની યાદીમાં જણાવાયું છે.

(11:04 pm IST)
  • પેથોલોજી લેબના રિપોર્ટમાં M.D.ની સહી અનિવાર્ય : ગુજરાત એસોસિએશન ઓફ પેથોલોજિસ્ટ એન્ડ માઈક્રો બાયોલોજીસ્ટ ના પ્રેસિડેન્ટ ડો. રાજેન્દ્ર લાલાણીની જાહેરાત : ચોક્કસ લાયકાત વાળા ડોકટરો સિવાયની પેથોલીજી લેબોરેટરી બાબતે કોર્ટનો મહત્વનો નિર્ણય : કોર્ટ દ્વારા આવી લેબોરેટરીના સંચાલકોએ કરેલી રીવ્યુ પિટિશન ફગાવી દેવામાં આવી : સુપ્રીમ કોર્ટે આ પૂર્વે 12-12-17ના રોજ ગેરકાયદે પેથોલોજી લેબ બાબતે આપ્યો હતો ઐતિહાસિક ચુકાદો : ચુકાદામાં કોર્ટે કરેલા નિર્દેશ મુજબ પેથોલોજી લેબના રિપોર્ટમાં M.D.ની સહી અનિવાર્ય : લેબ ધારકોની કોર્ટમાં પડકારતી રીવ્યુ પિટિશન ફગાવી દેવાતા એમ ડી પેથોલોજી વિનાની લેબોરેટરી કરવી પડશે બંધ access_time 1:27 am IST

  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST

  • અમદાવાદમાં પ્લાસ્ટિકના પાણીના પાઉચના ઉત્પાદન અને વેચાણ પર પ્રતિબંધ મૂકતા AMCના નિર્ણયને હાઇકોર્ટની બહાલી:પાઉચનું ઉત્પાદન કરનારા મેન્યુફેક્ચરર્સની અરજી હાઇકોર્ટે ફગાવી: કેન્દ્ર સરકારના નોટિફિકેશન GPCB અને રાજ્ય સરકારની રજુઆતોને સાંભળ્યા બાદ કોર્ટે અરજી અમાન્ય રાખી access_time 8:30 pm IST