Gujarati News

Gujarati News

News of Friday, 13th July 2018

બેંગ્લુરુ એરપોર્ટ ઉપર ઇન્ડિગોની બે ફ્લાઇટ સામસામે આવી ગઇઃ પાઇલોટની સમયસુચકતાથી ૩૨૮ યાત્રિકોનો બચાવ

બેંગ્લુરૂઃ બેંગ્લુરુ એરબેઝ પર ઉડાણ ભરી રહેલી ઈન્ડિગોની કોઈમ્બતુરથી હૈદરાબાદ જઈ રહેલી ફ્લાઈટ  6E 779 અને બેંગ્લુરુથી કોચ્ચી જઈ રહેલી ફ્લાઈટ 6E 6505 વચ્ચે ટક્કર થતા થતા રહી ગઈ. એરલાઈન્સના વિમાન એકબીજાની ખુબ નજીક આવી ગયા હતાં. ગણતરીની પળોના અંતરે બંને વિમાન હતાં. ઈન્ડિગોનું કહેવું છે કે આ મામલાની જાણકારી રેગ્યુલેટરને આપવામાં આવી છે.

ઈન્ડિગોના જણાવ્યાં મુજબ હૈદરાબાદની ફ્લાઈટમાં લગભગ 162 મુસાફરો હતાં. જ્યારે કોચ્ચીની ફ્લાઈટમાં લગભગ 166 મુસાફરો હતાં. બંને વિમાનો વચ્ચે અંતર માત્ર 200 ફૂટનું હતું. વિમાનની ટક્કર પહેલા ટ્રાફિક કોલિઝન એવોયડેન્સ સિસ્ટમ (TCAS)ના એલાર્મથી દુર્ઘટના ટળી ગઈ. રિપોર્ટ મુજબ એરક્રાફ્ટ એક્સિડન્ટ ઈન્વેસ્ટિગેશન બોર્ડ (AAIB) એ મામલાની તપાસ શરૂ કરી દીધી છે.

હવામાં વિમાન ટકરાવવાની ખબરો પહેલા પણ આવતી રહી છે. ઈન્ડિગોનો આ મામલો પહેલો નથી. આ અગાઉ પણ ઈન્ડિગોના વિમાન ટકરાતા બચ્યા છે. ગત વર્ષ નવેમ્બરમાં ઈન્ડિગોના એક વિમાનમાં લેપટોપ ફાટવાથી અફરાતફરી મચી હતી. તે અગાઉ દિલ્હી એરપોર્ટ પર ઈન્ડિગો અને એર ઈન્ડિયાના વિમાનની ટક્કર થતા બચી હતી. આ દરમિયાન એર ઈન્ડિયાનું પ્લેન ટેકઓફ કરવાનું હતું અને ઈન્ડિગોનું વિમાન લેન્ડ કરી રહ્યું હતું.

(9:03 am IST)
  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • રાજકોટ:ગોંડલ તાલુકાના પાટીયાળી ગામ નજીક આવેલ મોતીસર ડેમ ઓવરફલો: પાટીયાળીથી રાજકોટ જતાં માર્ગ ઉપર નાલાનું ધોવાણ: ગોંડલના હડમતાળા ગામે ભારે વરસાદને કારણે ચેકડેમો તૂટ્યાં:ગોંડલના રાણસીકી ગામની કમોતડી નદીમાં પુર સાથે બે કાંઠે access_time 11:23 pm IST

  • અમરેલી :રાજુલાના હિંડોરણા ચોકડી પાસે ક્રિષ્ના ટાયર્સના કારખાનામાં ભીષણ આગ ભભૂકી :મુશળધાર વરસાદ વચ્ચે આગ લાગી :કારખાના આસપાસ મચી અફડા તફડી :સ્થાનિક લોકો દ્વારા આગ પર કાબુ મેળવવા પ્રયાસ :શોર્ટ સર્કિટના કારણે આગ લાગી હોવાનુ સ્થાનિક લોકો નું અનુમાન access_time 10:02 pm IST