Gujarati News

કાનપુર,તા.૧૩ : કાનપુરમાં એક અજબ પ્રેમની ગજબ કહાની સામે આવી છે. લગ્ન સમયે વરરાજાની પ્રેમિકા તેના ઘરે પહોંચી ગઈ અને પછી હાઈવોલ્ટેજ ડ્રામા જોવા મળ્યો. વરરાજાના સંબંધીઓ અને પરિવારના લોકો પણ આ જોઈને ચોંકી ગયા હતા. ગત્ત શુક્રવારે વરરાજા માથા પર પાઘડી પહેરીને જાન લઈને નીકળી રહ્યો હતો. ઘરે ઢોલ-નગારા વાગી રહ્યા હતા. સ્વજનો અને મિત્રો જાનમાં જવા માટે તૈયાર ઉભા હતા. આ દરમિયાન તેની પ્રેમિકા મંડમાં એન્ટ્રી કરે છે. પ્રેમિકાને જોઈને વરરાજાના હોશ ઉડી જાય છે. પ્રેમિકા તેને કહે છે કે, હું તને બીજા કોઈનો નહીં થવા દઉં. વિસ્તારપૂર્વક વાત કરીએ તો, પનકી સ્થિત રતનપુરમાં રહેનારા યુવકના ગજનેરમાં રહેતી એક મહિલા સાથે પ્રેમ સંબંધ હતા. બન્ને બચ્ચે ચાર વર્ષ સુધી આ સંબંધ રહ્યો હતો. પ્રેમિકાનો આરોપ છે કે ૨૦૧૮માં તેના પ્રેમીએ કાનપુરના એક મંદિરમાં લગ્ન કર્યા હતા. ત્યારપછી સતત માનસિક અને શારીરિક શોષણ કરતો રહ્યો હતો.

          પ્રેમિકા જ્યારે પણ લગ્નની વાત કરી હતી ત્યારે તે પરિવારને મનાવવાની વાત કહીને ટાળી દેતો હતો. ત્યારપછી યુવકના અન્ય એક યુવતી સાથે લગ્ન નક્કી થયા. શુક્રવારના રોજ જાન જવાની હતી, ઘરમાં વિધીઓ ચાલી રહી હતી. યુવક પણ તૈયાર થઈને ઉભો હતો અને એકાએક પ્રેમિકા આવી પહોંચે છે અને યુવકનો કોલર પકડીને તને ખુબ ધમકાવે છે. આ જોઈને ત્યાં હાજર સંબંધીઓ અને મિત્રો પણ ચોંકી જાય છે. પ્રેમિકા એકલી જ તમામ લોકો સામે ટક્કર લે છે. ત્યારપછી પોલીસ કંટ્રોલ રુમને જાણ કરીને જાન રોકે છે. પોલીસ ત્યાં પહોંચીને બન્ને પક્ષોને શાંત કરાવે છે અને પોલીસ સ્ટેશન લઈ જાય છે. કન્યા પક્ષને જ્યારે આખી ઘટનાની જાણ થાય છે તો તેઓ પણ ચોંકી ગયા અને તેમણે લગ્ન કરવાની ના પાડી દીધી. પનકી પોલીસના જણાવ્યા અનુસાર, આ પ્રેમ પ્રસંગનો કેસ હતો. યુવતીને તેના માતા-પિતા પાસે મોકલી દેવામાં આવી છે. જો જરુર લાગશે તો કેસ દાખલ કરવામાં આવશે. અને જો તે દરમિયાન બન્ને પક્ષ લગ્ન માટે તૈયાર થશે તો પોલીસ સ્ટેશનમાં જાણ કરશે.