Gujarati News

Gujarati News

News of Thursday, 13th June 2019

મી ટુ : નાના પાટેકરને અંતે ક્લીનચીટ મળતા તનુશ્રી દત્તા ખફા

તનુશ્રી દત્તાએ પોલીસ સામે પણ પ્રશ્નો ઉઠાવ્યા : પોલીસની કાર્યવાહીની સામે તનુશ્રી દત્તાએ પ્રશ્નો ઉઠાવ્યા

મુંબઈ, તા. ૧૩ : જાતિય શોષણના મામલામાં અભિનેતા નાના પાટેકરને આજે પોલીસ તરફથી ક્લીનચીટ મળી હતી. મી ટુના મામલામાં નાના પાટેકરને ક્લીનચીટ મળ્યા બાદ અભિનેત્રી તનુશ્રી ભારે લાલઘૂમ દેખાઈ હતી. તનુશ્રીએ સમગ્ર મામલા પર નારાજગી વ્યક્ત કરીને પોલીસની કાર્યવાહી પર પ્રશ્નો ઉઠાવ્યા હતા. તનુશ્રી દત્તાએ નાના પાટેકરને ક્લીનચીટ આપવાની સૂચના મળ્યા બાદ નિવેદન કરતા કહ્યું હતું કે, ભ્રષ્ટ પોલીસ ફોર્સ અને કાનૂન વ્યવસ્થાએ પણ નાના પાટેકરને ક્લીનચીટ આપી છે જેના ઉપર પહેલા પણ ફિલ્મ ઇન્ડસ્ટ્રી સાથે જોડાયેલી અનેક મહિલાઓએ ધાક ધમકી આપવા, ભયભીત કરવા અને ઉત્પીડનના આરોપ મુક્યા છે. એક ભ્રષ્ટ વ્યક્તિને ભ્રષ્ટ પોલીસ દ્વારા ક્લીનચીટ આપવામાં આવી છે. આ પહેલા તનુશ્રીના વકીલે નિવેદન જારી કરતા કહ્યું હતુ ંકે, હજુ સુધી પોલીસ તરફથી કોઇ સત્તાવાર નિવેદન જારી કરવામાં આવ્યું નથી. માહિતી મળ્યા બાદ હવે ક્લોઝર રિપોર્ટને કોર્ટમાં રજૂ કરીને તેનો વિરોધ કરવામાં આવશે. તનુશ્રી દત્તાએ આક્ષેપ કર્યો હતો કે, વર્ષ ૨૦૦૯માં આવેલી ફિલ્મ હોર્ન ઓકે માટે એક આઈટમ સોંગના શૂટિંગ દરમિયાન નાના પાટેકરે તેમની સાથે ખરાબ વર્તન કર્યું હતું અને તેને ખોટીરીતે સ્પર્શ કરવાના પ્રયાસ કર્યા હતા. તેમનો વિરોધ કરવામાં આવ્યા બાદ અને ગીતનું શૂટિંગ કરવાથી ઇન્કાર કરવામાં આવ્યા બાદ તેના ઉપર હુમલા કરવાના પ્રયાસ કરવામાં આવ્યા હતા. સાથે સાથે હુમલા કરાવવામાં આવ્યા હતા. ધાક ધમકી પણ આપવામાં આવી હતી. તનુશ્રી દત્તાએ આ સમગ્ર વિવાદને છેડી દીધા બાદ જુદી જુદી અભિનેત્રીઓ તરફથી નારાજગી વ્યક્ત કરવામાં આવી હતી. અનેક અભિનેત્રીઓ તનુશ્રીની સાથે ઉભી પણ રહી હતી. તનુશ્રીનો સાથ આપીને કેટલીક અભિનેત્રીઓએ પોતાની ફરિયાદો પણ જાહેરમાં રજૂ કરી હતી.

(8:13 pm IST)
  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશેઃ હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે access_time 11:37 am IST

  • પોરબંદર જિલ્લામાંથી 38551 લોકોનું સ્થળાંતર :વાયુ વાવાઝોડાને પગલે પોરંબદર દરિયા કાંઠાના વિસ્તારમાંથી 38 ,551 લોકોનું સ્થળાંતર કરાયું છે :સાવચેતીના પગલાં રૂપે પોરબંદર સહીત જિલ્લાના રાણાવાવ કુતિયાણા સહિતના સ્થળેથી સ્થળાંતર access_time 10:45 pm IST