Gujarati News

Gujarati News

News of Thursday, 13th June 2019

મુંબઇમાં 'હાઇટાઇડ'નો ખતરોઃમહારાષ્ટ્રના બીચ બે દિવસ બંધ

આજે મુંબઇમાં દરિયાનાં મોજાં ૩.૮ર મીટર ઊછળવાનું અલર્ટ

મુંબઇ તા. ૧૩: ગુજરાત તરફ આગળ વધી રહેલા ચક્રવાતી તોફાન વાયુની અસર મુંબઇ અને આસપાસના કોંકણ વિસ્તારમાં વર્તાઇ રહી છે. આ તોફાનને લઇ મુંબઇના કેટલાય વિસ્તારમાં ઝડપી પવન સાથે વરસાદ થઇ રહ્યો છે. વાયુ ચક્રવાતના ખતરાને ધ્યાનમાં રાખીને મુંબઇના દરિયામાં હાઇટાઇડનો ખતરો તોળાઇ રહ્યો છે અને હવામાન વિભાગે હાઇરાઇડનું એલર્ટ જારી કર્યું છે. માટે બંધ કરી દેવામાં આવ્યા છે. ઝડપી ફુંકાઇ રહેલા પવનના કારણે મુંબઇમાં બે ડઝનથી વધુ વૃક્ષ ધરાશાયી થયાં હોવાની જાણકારી બીએમસીને મળી છે.

માહિતી અનુસાર સૌથી વધુ વૃક્ષ બોરીવલી વિસ્તારમાં ધરાશાયી થયાં છે. હવામાન વિભાગના જણાવ્યા અનુસાર મુંબઇ શહેરમાં આજે પણ કલાકના પ૦ કિ.મી. ઝડપે તેજ પવન ફુંકાઇ શકે છે. મુંબઇના બાંદ્રા, દાદર, ખાર, અંધેરી સહિતના વિસ્તારમાં વરસાદ પડતાં ખાસ કરીને નીચાણવાળા વિસ્તારોમાં પાણી ભરાઇ ગયાં છે.

વાયુ ચક્રવાતને લઇ મહારાષ્ટ્ર સરકારે બે દિવસ માટે મુંબઇ સહિત મહારાષ્ટ્રના તમામ બીચ પર લોકોના પ્રવેશ પર પ્રતિબંધ મૂકી દીધો છે. સરકાર દ્વારા જારી કરાયેલા આદેશ અનુસાર કોંકણ, પાલઘર, મુંબઇ, રાયગઢ, સીંધુ દુર્ગ, થાણે અને રત્નાગીરીના તમામ બીચ બે દિવસ બંધ રહેશે.

આ દરમિયાન માછીમારો સહિત સામાન્ય લોકોને પણ બીચની આસપાસ જવાની મંજૂરી મળશે નહીં. તેજ પવન અને તોફાન વચ્ચે સમુદ્રમાં છ મીટર ઉંચી બનતી હાઇટાઇડની સ્થિતિને જોતાં બીચ બંધ કરવાનો નિર્ણય લેવામાં આવ્યો છે.

(3:53 pm IST)
  • ૮૦૦ કિ.મી.ના વ્યાસમાં વાવાઝોડુ : પોરબંદર, જૂનાગઢ, દ્વારકા અને દીવમાં અસર કરશે : હવામાન વિભાગના જયંત સરકારે જણાવ્યુ કે ગુજરાત ઉપરથી મહદઅંશે ખતરો ટળી ગયો છે પણ ભારે પવન સાથે ભારે વરસાદ પડશે : વાવાઝોડુ સૌરાષ્ટ્રને હિટ નહિં કરે બે દિવસ વાવાઝોડાની અસર વર્તાશે access_time 3:33 pm IST

  • મોડીરાત્રે જૂનાગઢમાં ભારે પવન સાથે જોરદાર વરસાદ :વેરાવળમાં પણ વરસાદ ચાલુ ; જૂનાગઢના વંથલી સહિતના પંથકમાં મેઘરાજાની પધરામણી : કેશોદ અને જેતપુરમાં પણ વરસાદના અહેવાલ access_time 1:04 am IST

  • ''વાયુ'' વાવાઝોડું પોરબંદરની દક્ષિણે અરબી સમુદ્રમાં ૭૦ નોટકીલ માઈલ દૂર કેન્દ્રિત થયું છેઃ પ્રતિ કલાક ૬૫ કી.મી. ઝડપે ત્યાં પવન ફૂંકાય રહ્યો છેઃ માછીમારોની તમામ બોટો બંદર ઉપર સલામત છેઃ આજે સવારે કોસ્ટગાર્ડે કરેલ ટ્વીટ access_time 11:38 am IST