Gujarati News

Gujarati News

News of Thursday, 13th June 2019

આપના વધુ એક ધારાસભ્યના કરતૂત બહાર આવ્યાઃ બીજાની જમીન હડપવાનો કેસઃ રની અટક

નવી દિલ્હીઃ ''આપ''ના ધારાસભ્ય મહેન્દ્ર યાદવ સહિત ત્રણ અન્ય વ્યકિત સામે કેસ દાખલ કર્યા પછી પોલિસે બે લોકોની ધરપકડ કરી છે.

અરવિંદ કેજરીવાલની આમ આદમી પાર્ટીના વધુ એક ધારાસભ્ય પર દિલ્હી પોલીસે કેસ દાખલ કર્યો છે. આમ આદમી પાર્ટીના ધારાસભ્ય મહેન્દ્ર યાદવ પર વિકાસનગર વિસ્તારમાં ૧૫૦ વારના એક પ્લોટ પર ગેરકાયદેસર રીતે કબ્જે કરવાનો આરોપ છે.

ઘણા સમયથી આ ગેરકાયદેસર રીતે કબ્જે કરવામાં આવેલ પ્લોટને ખાલી કરાવવાની કોશિષ થઇ રહી હતી. રણહૌલા પોલિસ સ્ટેશનમાં કેસ દાખલ થયા પછી ધારાસભ્યના બે અંગત માણસોની ધરપકડ કરી લેવામા આવી છે.

ઉલ્લેખનિય છે કે દિલ્હી પોલીસ છેલ્લા છ વર્ષ દરમ્યાન આમ આદમી પાર્ટીના ઘણા બધા ધારાસભ્યો પર સોથી પણ વધારે કેસો દાખલ કરી ચુકી છે. જેમાંથી કોર્ટની સુનાવણીમાં ૬૦ થી પણ વધારે કેસો રદ થયા છે. કેટલાક કેસોમાં ધારાસભ્યોને ગિરફતાર પણ કરાયા છે. આ પહેલા મુખ્યપ્રધાન અરવિંદ કેજરીવાલની મીટીંગ દરમ્યાન મુખ્ય સચિવ સાથે કહેવાતી મારપીટના કેસમાં ધારાસભ્ય અમાનલુલ્લાહ અને પ્રકાશ જારવાલની ધરપકડ કરવામાં આવી હતી.

(3:43 pm IST)
  • મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. access_time 12:53 pm IST

  • વાયુ વાવાઝોડું સૌરાષ્ટ્રના કાંઠે સિધુ ત્રાટકશે નહિ, અને પશ્ચિમ દિશામાં ફંટાય રહ્યું છે અનેઓમાન તરફ આગળ વધે છે, સોમનાથ થી 125 કીમી દૂરથી ફંટાય રહ્યું છે... ભારે પવન અને વરસાદ ચાલુ રહેશે access_time 8:41 am IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST