Gujarati News

ભોપાલ, તા.૧૩: મધ્યપ્રદેશની વિઠ્ઠલ વાટિકામાં મંગળવારે એક દુલ્હને પોતાના નિર્ણયને જાહેર કરી બધાને આશ્યર્યમાં નાખી દીધા હતા સાથે જ ક્ષણને યાદગાર બનાવી દીધી હતી જૂના બ્યાવરા વિસ્તારમાં રહેતા દિલીપ સકસેના અને વિદિશાના લગ્ન પહેલા જ નક્કી થઈ ચૂકયા હતા, પરંતુ લગ્નના બે-ત્રણ દિવસ પહેલા દિલીપ પોતાના લગ્નની કંકોત્રી વહેચવા ગયો તે સમયે ખિલચીપુર પુલિયાની પાસે થયેલા અકસ્માતમાં ગંભીર રીતે ઈજાગ્રસ્ત થઈ ગયો.

દૂર્ઘિટનામાં યુવકના જમણામાં હાથમાં અને ડાબા પગમાં ફ્રેકચર થઈ ગયું. ગંભીર સ્થિતિના કારણે તેને ૪ દિવસ સુધી આઈસીયુમાં સારવાર માટે રહેવું પડ્યું. હોસ્પિટલમાંથી દ્યરે પરત આવ્યા બાદ યુવતીના પરિવારજનોએ લગ્નની તારીખ આગળ વધારવા માટે કહ્યું હતું, પરંતુ તેણે આ વાતનો ઈનકાર કરતાં કહ્યું કે લગ્ન નક્કી કરેલી તારીખે જ થશે.

લગ્ન દરમિયાન યુવકે તમામ વિધિ વ્હીલ ચેરમાં બેસીને જ પૂરી કરી. આ દરમિયાન ફેરા કન્યાએ વરની વ્હીલચેરને ધક્કો મારીને લિધા, આ દરમિયાન વરરાજાના મિત્રોએ પણ થોડી-ઘણી મદદ કરી હતી. આટલું જ નહીં વિદાય સમયે પણ દુલ્હને પોતે વ્હીલચેરને ધક્કો મારીને ગાડી સુધી પહોંચાડી. આ દ્રશ્ય જોઈને પરિવારના સભ્યો અને સંબંધીઓ ભાવુક થઈ ગયા હતા.