Gujarati News

News of Wednesday, 12th June 2019

ફાઈનાન્સિયલ સિસ્ટમના લીધે રિલાયન્સ ગ્રુપને ભારે નુકસાન

૩૫૦૦૦ કરોડ રૂપિયા ચુકવ્યા : અનિલ અંબાણી : કુલ ૨૪૮૦૦ કરોડ રૂપિયાની મૂળ રકમ અને ૧૦૬૦૦ કરોડ રૂપિયાની વ્યાજની ચુકવણી કરી : બધુ દેવું ચુકવાશે

નવી દિલ્હી, તા. ૧૧ : રિલાયન્સ અનિલ ધીરુભાઈ અંબાણી ગ્રુપના પ્રમુખ અનિલ અંબાણીએ આજે કહ્યું હતું કે,તેમના ગ્રુપ તમામ પ્રકારના દેવાને સમયસર ચુકવી દેવા માટે કટિબદ્ધ છે. છેલ્લા ૧૪ મહિનાના ગાળામાં તેમના ગ્રુપ દ્વારા ૩૫૦૦૦ કરોડ રૂપિયાની ચુકવણી કરી દેવામાં આવી છે. અંબાણીએ પત્રકાર પરિષદને સંબોધતા કહ્યું હતું કે, પડકારરુપ સ્થિતિ અને ફાઈનાન્સરો તરફથી કોઇ નાણાંકીય સહાયતા નહીં મળવાના કારણેે તેમના ગ્રુપે પહેલી એપ્રિલ ૨૦૧૮થી લઇને ૩૧મી મે ૨૦૧૯ વચ્ચેના ગાળામાં ૧૦૬૦૦ કરોડથી વધુની વ્યાજની ચુકવણી કરી છે. આ ઉપરાંત ૨૪૮૦૦ કરોડ રૂપિયાની મૂળ રકમની ચુકવણી કરી છે. તેમણે કહ્યું હતું કે, છેલ્લા કેટાલક સપ્તાહના ગાળા દરમિયાન બિનજરૂરી અફવાઓ, અટકળો અને રિલાયન્સ ગ્રુપની તમામ કંપનીઓના શેરમાં ઘટાડો થવાના પરિણામ સ્વરુપે અમારા તમામ સંબંધિતોને ભારે નુકસાન થયું છે. તમામ સ્ટેક હોલ્ડરોને નુકસાન થયું છે. ૩૫૦૦૦ કરોડ રૂપિયાના દેવાની ચુકવણી રિલાયન્સ કેપિટલ, રિલાયન્સ પાવર, રિલાયન્સ ઇન્ફ્રાસ્ટ્રક્ચર અને તેની સાથે જોડાયેલી કંપનીઓ સાથે છે. અંબાણીએ મૂડીરોકાણકારોને વિશ્વાસ આપતા કહ્યું હતું કે, તેમના ગ્રુપ દ્વારા ભવિષ્યમાં તમામ દેવાને વહેલીતકે ચુકવી દેવા માટે કટિબદ્ધ છે. આના માટે તેમની સંપત્તિઓના વેચાણની પણ યોજના છે. અંબાણી ગ્રુપની કેટલીક સમસ્યાઓ માટે રેગ્યુલેટરી ઓથોરિટી અને કોર્ટ પણ જવાબદાર છે. કેટલાક મામલાઓમાં નિર્ણય આવવામાં વિલંબ થવાથી ગ્રુપને ૩૦૦૦૦ કરોડ રૂપિયાથી વધુના બાકી રકમ મળી શકી ન હતી. રિલાયન્સ ઇન્ફ્રાસ્ટ્રક્ચર, રિલાયન્સ પાવર અને તેની સાથે જોડાયેલી કંપનીઓની બાકી રકમ ૫થી ૧૦ વર્ષ જુની છે. તેના ઉપર નિર્ણય આવવામાં વિલંબથી રકમ વધી ગઈ હતી.

(12:00 am IST)

આ સમાચાર શેર કરો

Akilanews.com ને સોશ્યલ મીડિયા પર ફોલો કરો

છેલ્લા 8 દિવસમાં સૌથી લોકપ્રિય

Most Popular
Recent

સમાચાર ફટાફટ

ખંભાળિયા - પોરબંદર રોડ પર રેલવે પાટા નજીક મૃતદેહ મળ્યો:પોલીસ ઘટના સ્થળે પહોંચી :મૃતદેહને પીએમ માટે લઇ જવાયો : જુના ડેડબોડી હોવાની શંકા 10:37 pm IST
મહાદેવની કૃપાથી ધીમે-ધીમે બહાર આવી રહ્યા છીએ : વિજયભાઈનું સતત મોનીટરીંગ : નીતિનભાઈ ભારદ્વાજ : ભાજપ પ્રદેશ અગ્રણી શ્રી નીતિનભાઈ ભારદ્વાજ સોમનાથદાદાના દર્શને ગયા છે. તેઓએ જણાવેલ કે મહાદેવની કૃપાથી આપણે ધીમે - ધીમે બહાર આવી રહ્યા છીએ. કોઈ મોટી જાનહાની ન થાય તે માટે સરકાર દ્વારા સતત મોનીટરીંગ કરવામાં આવી રહ્યુ છે. મુખ્યમંત્રી શ્રી વિજયભાઈ રૂપાણી સતત વોચ રાખી રહ્યા છે. 12:53 pm IST
વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. 12:52 pm IST