Gujarati News

Gujarati News

News of Wednesday, 12th June 2019

ભયંકર ગરમીમાં ઠંડક આપવા નવરત્ન તેલમાં તળીને પત્નિએ પતિને ભજીયા ખવડાવ્યાઃ વિડીયો સોશ્યલ મિડીયામાં વાયરલ

નવી દિલ્હી : દેશમાં અત્યારે પશ્ચિમ અને ઉત્તર ભારત કાળઝાળ ગરમી પડી રહી છે અને લોકો ગરમીથી ત્રાહીમામ પોકારી ઉઠયા છે, લોકો પ્રવાહીનું ભરપુર સેવન કરી રહ્યા છે. આવી ગરમીથી બચવા માટે લોકો જાત-જાતના ઉપાય અજમાવી રહ્યા છે અને કેટલાક લોકો નવા-નવા અખતરાના વિડીયો પણ સોશિયલ મીડિયા પર પોસ્ટ કરી રહ્યા છે. જેમાં કેટલાક વીડીયો એવા હોય છે કે, તેને જોયા બાદ હસી - હસીને પેટ દુખી જતું હોય છે.

આવો જ એક હાસ્યાસ્પદ વીડીયો આજકાલ સોશિયલ મીડિયા પર વાયરલ થયો છે. જેમાં ભયંકર ગરમીથી પરેશાન પોતાના પતિને ઠંડક આપવા માટે એક પત્નીએ માથામાં લગાવવાના નવરત્ન તેલમાં ભજીયા તળીને તેના પતિને ખવડાવ્યા છે.

એક પત્નીના તેના પતિ પ્રત્યેના પ્રેમની અભિવ્યકિતનો આ વીડીયો સોશીયલ મીડિયા પર એટલો વાયરલ થયો છે કે, અત્યાર સુધી ૮૦ લાખથી વધુ લોકો તેને જોઇ ચૂકયા છે.

આ વીડીયો જોઇને તમને પણ લાગશે કે, ભારતમાં હુનરનો અભાવ નથી. એક બીજુ તમને હસવાનું પણ આવશે તો બીજી તરફ ઘેર-ઘેર છૂપાયેલા આવા કલાકારોની  પ્રશંસા કર્યા વગર પણ તમે રહી શકશો નહીં. જો કે, સ્માર્ટફોન માટેની નવી એપ્લિકેશન   Tiktok આવ્યા પછી આવા અસંખ્ય કલાકારો બહાર આવવા લાગ્યા છે. તેઓ લોકોને હસાવવા માટે જાત-જાતના અખતરા કરતા હોય છે.

(8:44 am IST)
  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • રાજકોટના રામનગરમાં તાલુકા પોલીસનો સપાટો :રામનગરના રામમંદિર ચોરામાં પાસેથી 27 જુગારીઓ ઝડપાયા :એકાદ લાખનો મુદામાલ જપ્ત કરાયો access_time 1:17 am IST

  • મોડીરાત્રે જૂનાગઢમાં ભારે પવન સાથે જોરદાર વરસાદ :વેરાવળમાં પણ વરસાદ ચાલુ ; જૂનાગઢના વંથલી સહિતના પંથકમાં મેઘરાજાની પધરામણી : કેશોદ અને જેતપુરમાં પણ વરસાદના અહેવાલ access_time 1:04 am IST