News of Wednesday, 13th June 2018

કર્ણાટકમાં ભાજપને વધુ એક ઝટકો : જયનગર બેઠક પર કોંગ્રેસના સૌમ્યા રેડીનો વિજય

બેંગ્લુરુ :કર્ણાટકમાં ભાજપને વધુ એક ઝટકો લાગ્યો છે જયનગર વિધાનસભા બેઠક પર આજે કોંગ્રેસના ઉમેદવાર સૌમ્યા રેડ્ડી જીત્યા છે. જે માટેની ચુંટણી ૧૧ જુનના રોજ થઈ હતી. કર્ણાટક વિધાનસભાની ચુંટણી ૧૨ મે ના રોજ થઈ હતી. પરંતુ તે પૂર્વે આ બેઠક પરના ભાજપના ઉમેદવાર બીએન. વિજયકુમારનું અવસાન થયું હતું. જેના લીધે જયનગરની ચુંટણી મૂલતવી રાખવામાં આવી હતી. આ બેઠક પર ૧૧ જુનના રોજ ૫૫ ટકા મતદાન થયું હતું.

  આ બેઠક ભાજપે વિજયકુમારના ભાઈ બીએન. પ્રહલાદને ટીકીટ આપી હતી. જયારે કોંગ્રેસે આ બેઠક પર પૂર્વ મંત્રી રામલિંગાની પુત્રી સૌમ્યા રેડ્ડીને મેદાનમાં ઉતારી હતી. ચુંટણી પૂર્વે ૫ જુનના રોજ જેડીએસે તેમના ઉમેદવાર મેદાનમાંથી હટાવી લીધા હતા અને કોંગ્રેસને સમર્થન આપ્યું હતું. મતગણના પૂર્ણ થયા બાદ જાહેર થયેલા પરિણામ બાદ કોંગ્રેસ કાર્યકરોએ જશ્ન મનાવ્યું હતું. આ ચુંટણી કોંગ્રેસ ઉમેદવાર ૨૮૦૦ થી પણ વધુ મતથી જીત્યા હતા.

  આ દરમ્યાન કલબુર્ગી વિધાન પરિષદની ચુંટણીમાં નોર્થ ઇસ્ટ ગેજ્યુએટ સીટ પર કોંગ્રેસના ચન્દ્રશેખર પાટીલ ૩૨૧ મતથી જીત્યા છે . જો કે ૬ વિધાન પરિષદનું પરિણામ સાંજે ૬ વાગે જાહેર કરવામાં આવશે. આ બેઠકો પર ૮ જુનના રોજ મતદાન થયું હતું. 

 કર્ણાટકમાં વિધાન પરિષદ સભ્યોની સંખ્યા ૭૫ છે. ૬ વિધાન પરિષદની સભ્યો ધારાસભ્ય તરીકે ચુટાતા આ બેઠક ખાલી થઈ હતી. વિધાન પરિષદના સભ્યોનો કાર્યકાળ ૧૭ જુનના રોજ સમાપ્ત થઈ રહ્યો છે. તેની માટે નવા સભ્યોની ચુંટણી કરવામાં આવી રહી છે.

(8:39 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • રાજસ્થાનમાં ભાજપના પૂર્વ નગરસેવિકાનો આપઘાત : બૂંદીના ભાજપના પૂર્વ નગરસેવિકા મમતા વર્માએ ઘરકંકાસથી કંટાળીને ગળેફાંસો ખાદ્યો : ઇન્દિરા કોલોનીમાં રહેતા મમતાએ સાડીનો ફાસો બનાવી આપઘાત કર્યો : તેના પુત્ર સાથે ઝઘડો થતા અંતિમ પગલું ભર્યું access_time 11:52 pm IST

  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST