News of Wednesday, 13th June 2018

ઉત્તર કોરિયાના નેતા કિમ જોંગ ઉન આરોગ્યની જાણકારી કોઇને હાથ ન લાગે તે માટે પોર્ટેબલ ટોઇલેટ પણ સિંગાપોર સાથે લઇ ગયા હતાં : કોઇ સ્‍ટુલનો રિપોર્ટ ન કરાવી શકે તે માટે અગમચેતી

‌સિંગાપોરઃ ઉત્તર કોરિયાના નેતા કિમ જોંગ ઉન અને અમેરિકાના રાષ્‍ટ્રપતિ ડોનાલ્ડ ટ્રમ્પ વચ્‍ચે સિંગાપોરમાં મિટીંગ મળી હતી. સિંગાપોર જવા માટે કિમ જોંગ ઉન પોતાના વિમાનમાં પોર્ટેબલ ટોઇલેટ પણ સાથે લઇ ગયા હતાં.

અમેરિકી રાષ્ટ્રપતિ ડૉનાલ્ડ ટ્રમ્પ અને ઉત્તર કોરિયાના નેતા વચ્ચેની ઉત્સુકતાનો અંત આવ્યો છે. સિંગાપોરમાં બંને દેશોના નેતાઓ વચ્ચે થયેલી બેઠકમાં સુરક્ષાની અત્યંત સઘન વ્યવસ્થા કરવામાં આવી હતી. બંને દેશના નેતાઓએ પોત પોતાની સુરક્ષામાં કોઈ જ કચાસ છોડી ન હતી. ઉત્તર કોરિયાના નેતા કિમ જોંગ ઉનની સુરક્ષા તો અમેરિકાના રાષ્ટ્રપતિ ડૉનાલ્ડ ટ્રમ્પ કરતા પણ વધારે સઘન હતી. એટલે સુધી કે, કિમ સિંગાપો કેવી રીતે પહોંચ્યા તેની પણ કોઈનેય જાન થઈ ન હતી.

આ ઘટનાક્રમ વચ્ચે એક આશ્ચર્યજનક વાત સામે આવી છે. જેને કિમ જોંગનો ડર કહો કે કંઈ બીજું. કારણ કે, કિમ જોંગ પોતાની સાથે તેમનું ટૉઈલેટ પણ સાથે લઈને જ સિંગાપોર પહોંચ્યા છે. તેના પાછળ એક ખાસ કારણ જવાબદાર છે.

ઉત્તર કોરિયાના એક અધિકારીના જણાવ્યા પ્રમાણે, બંને દેશો વચ્ચે યોજાનારી બેઠકને લઈને ખુબ જ તણાવ હતો. એટલે જ એ વાત અત્યંત ગુપ્ત રાખવામાં આવી હતી કે, કિમ જોંગ વિમાન મારફતે કે પછી કઈ રીતે સોંગાપોર આવી રહ્યાં છે. ઉત્તર કોરિયામાં પણ આ વાતની જાણકારી માત્ર ગણતરીના લોકોને જ હતી. કિમ જોંગ પોતાની સાથે ત્રણ વિમાન લઈને સિંગાપોર આવ્યાં. પહેલા વિમાનમાં કિમ જોંગ માટે ખાવા પીવાનો સામાન, બુલેટ પ્રુફ લિમોઝીન કાર અને પોર્ટેબલ ટૉઈલેટ હતું.

પોર્ટેબલ ટૉઈલેટ એટલા માટે સાથે રાખવામાં આવ્યું હતું કેમ કે, કિમ જોંગ ઉનનો મળ (સ્ટૂલ)ની કોઈ પ્રકારની તપાસ કે પરીક્ષણ ના કરી શકે. તેનું બીજું કારણ એ પણ છે કે, કિમના સ્વાસ્થ્યની જાણકારી આજ સુધી ક્યારેય બહાર નથી આવી. અગાઉ એવી પણ ચર્ચા ઉઠી હતી કે, કિમને અનેક પ્રકારની બિમારીઓ છે. પરંતુ હવે સ્ટૂલની તપાસના ડરના કારણે એ બાબત સ્પષ્ટ થઈ ગઈ છે કે, ઉત્તર કોરિયા નથી ઈચ્છતું કે, કિમના સ્વાસ્થ્યની જાણકારી કોઈ બીજાના હાથ લાગે.

સુરક્ષાના કારણે કિમ જોંગે શાંઘાઈ થઈને સિંગાપોરની મુસાફરી નહોતી કરી. કારણ કે, આ રૂટ સમુદ્રની ઉપરથી જાય છે જેના કારણે સુરક્ષામાં મુશ્કેલી ઉભી થાય છે. માટે કિમે બેઈજીંગ થઈને સિંગાપુરની મુસાફરી કરી, જેમાં 10 કલાકનો સમય લાગ્યો અને ખર્ચ પણ ઘણો વધારે થયો. ચીનના એવિએશન સૂત્રોના જણાવ્યા પ્રમાણે દક્ષિણ કોરિયાની સમાચાર ડેઈલી 'ચોશુન ઈલ્બો'એ જણાવ્યું હતું કે, કિમને એરક્રાફ્ટ લોન પર આપવાની ઘટના દેખાડે છે કે, ચીન પર ખુબ જ રાજકીય દબાણ હતું અને તેના કારણે જ ચીને ભારે ખર્ચ પણ કરવો પડ્યો.

સંયુક્ત રાષ્ટ્ર સુરક્ષા પરિષદના રિઝોલ્યુશન 2270 અંતર્ગત કોરિયાને કોઈ પણ પ્રકારનું એરક્રાફ્ટ, શિપ કે ક્ર્રુઝ ઉધાર આપવા પર પ્રતિબંધ છે પરંતુ વર્તમાન પરિસ્થિતિને જોતા એ સ્થિતિ સ્પષ્ટ છે કે કદાચ ચીને સંયુક્ત રાષ્ટ્રની મંજૂરી મળી ગઈ હતી.

(12:00 am IST)
  • પેટ્રોલ-ડીઝલના ભાવ ઘટાડાને બ્રેક : કાલે બુધવારે પેટ્રોલ-ડીઝલના ભાવમાં ઘટાડો થવાની શકયતા નહિવત:હાલના ભાવ મુજબ પેટ્રોલ લીટરે 75.75 રૂપિયા ડીઝલનો ભાવ 72.75 રૂપિયા યથાવત રહેશે : ભાવમાં મોટાભાગે કોઈ ફેરફાર થશે નહીં તેમ મનાય છે access_time 11:04 pm IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • પેટ્રોલ-ડીઝલના ભાવમાં ઘટાડો ભૂલી જવાયો :સતત બીજા દિવસે ભાવમાં ઘટાડાને બ્રેક ;કાલે ગુરુવારે પેટ્રોલ-ડીઝલના ભાવ યથાવત રહેશે :ઘટાડો થવાની શકયતા નહિવત;ભાવમાં કોઈ ફેરફાર થશે નહીં તેમ મનાય છે access_time 12:40 am IST