Gujarati News

Gujarati News

News of Thursday, 13th May 2021

રસીકરણને મળશે વેગ :ભારત બાયોટેક સિવાય અન્ય કંપનીઓ પણ કોવાક્સિનનું ઉત્પાદન કરી શકશે

નીતિ આયોગના સભ્ય વેકે પૌલે આપ્યા સંકેત : BSL3 લેબ સુવિધા ધરાવતી કંપનીઓએ ખુલ્લું આમંત્રણ આપ્યું : કેજરીવાલના સૂચનને પણ આવકાર્યું

નવી દિલ્હી : રસીના ઉત્પાદનની દિશામાં મહત્વના સંકેત મળ્યા છે જો બરાબર ચાલે તો, ભારત ઇન્ડિયા બાયોટેક સિવાય, અન્ય કંપનીઓ દેશી રસી 'કોવાક્સિન'નું ઉત્પાદન શરૂ કરશે. જો આવું થાય, તો ભારતની ક્ષમતા વધશે અને રસીનો અભાવ દૂર થશે.

 નીતિ આયોગના સભ્ય વેકે પૌલે કહ્યું હતું કે, ભારત બાયોટેકે અન્ય કંપનીઓ દ્વારા કોવાક્સિન બનાવવાની વાતને આવકારી છે. ભારત બાયોટેક એકમાત્ર કોવાક્સિન ઉત્પાદક છે.   અત્રે ઉલ્લેખનીય છે કે કોવાક્સિન એક સ્વદેશી રસી છે અને દેશમાં ચાલતી રસીકરણ અભિયાનમાં તે અગ્રેસરની ભૂમિકામાં છે.

વી કે પૌલે કહ્યું, "લોકો કહે છે કે અન્ય કંપનીઓને પણ કોવાક્સિન બનાવવા માટે આપવી જોઈએ.

મને કહેતા આનંદ થાય છે કે જ્યારે અમે કોવાક્સિન (ભારત બાયોટેક) ના ઉત્પાદક સાથે આ અંગે ચર્ચા કરી, ત્યારે તેઓએ તેનું સ્વાગત કર્યું. આ રસી હેઠળ, જીવંત વાયરસ નિષ્ક્રિય થઈ જાય છે અને તે ફક્ત BSL3 લેબમાં જ છે. '

નીતિ આયોગ સભ્યએ વધુમાં કહ્યું, 'દરેક કંપની પાસે આ સુવિધા હોતી નથી. અમે આ સુવિધા ધરાવતી કંપનીઓને ખુલ્લું આમંત્રણ આપીએ છીએ જે કોવાક્સિનના ઉત્પાદનમાં રસ ધરવતી હોય. સરકાર મદદ કરશે જેથી ક્ષમતા વધે. '

વી.કે.પૌલના નિવેદનનું દિલ્હીના મુખ્યમંત્રી અરવિંદ કેજરીવાલે સ્વાગત કર્યું હતું. સીએમ કેજરીવાલે કહ્યું, 'આ સરકારનું ખૂબ જ સ્વાગત ભર્યું ઉમદા કાર્ય છે. આનાથી રસીના ઉત્પાદનમાં વેગ આવશે. હું કેન્દ્ર સરકારને પણ વિનંતી કરું છું કે આંતરરાષ્ટ્રીય બજારમાંથી કેન્દ્ર સરકાર સીધી જ રસી મંગાવે જેથીદરેક રાજ્યોને ટેન્ડરીંગ પ્રક્રિયા માંથી પસાર નાં થવું પડે અને સીધી દરેક રાજયને સમાન ભાવે રસી મળે.

(11:08 pm IST)
  • કોરોના કેસો જ્યાં ખૂબ જ વધુ પડતા નોંધાયા છે તેવા જિલ્લાઓના કલેકટર સાથે ૧૮ અને ૨૦ તારીખે નરેન્દ્રભાઈ મંત્રણા કરશે : કોવિડના ખૂબ જ વધુ લોડ વાળા કેસો ધરાવતા દેશના જિલ્લાઓના કલેકટરશ્રીઓ સાથે વડાપ્રધાનશ્રી નરેન્દ્રભાઈ મોદી ૧૮ અને ૨૦ મેના રોજ વર્ચ્યુઅલ પ્લેટફોર્મ ઉપર ચર્ચા વિચારણા કરશે. જેમાં તે રાજ્યોના મુખ્ય મંત્રીઓ પણ હાજરી આપશે. access_time 4:16 pm IST

  • બુધવારે દિલ્હી સહિત દેશના કોઈ ભાગમાં ઇદનો ચાંદ જોવા મળ્યો નથી, તેથી ઈદ-ઉલ-ફિત્રનો તહેવાર શુક્રવારે ઉજવવામાં આવશે અને 30 મુ અંતિમ રોજુ, ગુરુવારે થશે. ફતેપુરી મસ્જિદના શાહી ઇમામ મૌલાના મુફ્તી મુકર્રમે કહ્યું હતું કે ઈદનો ચાંદ દિલ્હી સહિત દેશના કોઈ પણ ભાગમાં જોવા મળ્યો નથી, તેથી ઇદનો તહેવાર 14 મે, શુક્રવારે ઉજવાશે. access_time 9:54 pm IST

  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST