Gujarati News

નવી દિલ્હીઃ કોરોનાની રસીનું સંકટ દૂર કરવા માટે દિલ્હી, યુપી સહિત ૧૦ રાજ્યોએ વિદેશોથી રસી ખરીદવાનો નિર્ણય લીધો છે, પરંતુ નિષ્ણાંતોનું કહેવુ છે કે રસીની જે સ્થિતિ દેશમાં છે તેવી જ સ્થિતિ દુનિયાની બજારમાં છે તેથી વિદેશોથી તત્કાલ રસી મળવાની સંભાવના ઓછી છે. ૧લી મેથી ૧૮ થી ૪૪ વર્ષના લોકો માટે રસીની સગવડ રાજ્યોએ ખુદ કરવાની છે. સીરમ અને ભારત બાયોટેક પાસે કેન્દ્રનો અગાઉથી ૧૬ કરોડ ડોઝનો ઓર્ડર છે. તેઓ કુલ ઉત્પાદનના અડધા રાજ્યો અને ખાનગી હોસ્પીટલોને આપી શકે છે. સૂત્રોના જણાવ્યા પ્રમાણે વૈશ્વિકબજારમાં પણ રસીની ઉપલબ્ધતા સીમીત છે તેથી જ વહેલી નહિ મળે.  જો ૧૮થી ઉપરના માટે રસીકરણ માટે સ્પીડ લવાઈ તો રોજ  ઓછામાં  ઓછા ૫૦ લાખ ડોઝ જોઈએ.  આ લક્ષ્ય પર સરકાર ચાલે તો મહિને ૧૫ કરોડ ડોઝ જોઈએ.