Gujarati News

Gujarati News

News of Thursday, 13th May 2021

દેશમાં કોરોનાના નવા કેસ અને રિકવરી સમાંતર :એક્ટિવ કેસમાં સતત ઘટાડો :કુલ કેસની સંખ્યા 2,37 કરોડને પાર પહોંચી :રિકવર થનાર દર્દીઓની સંખ્યા 2 કરોડ નજીક : કર્ણાટકમાં સૌથી વધુ 5,92 લાખથી એક્ટિવ કેસ

કુલ સક્રિય કેસોમાં 13 રાજ્યોનો હિસ્સો 82.51 ટકા: રાષ્ટ્રીય રીકવરી દર 83.04 ટકા થયો

નવી દિલ્હી : કોરોના વાઇરસની બીજી લહેરે દેશમાં હાહાકાર મચાવ્યો છે. દેશમાં સતત કોરોના કેસમાં મોટો વધારો જોવા મળી રહ્યો છે. અહીં રાહતની વાત એ છે કે ભારતમાં સક્રિય કેસની કુલ સંખ્યા બુધવારે ઘટીને 37,04,99 પર આવી છે. જે હવે દેશના કુલ સકારાત્મક કેસોના 15.87 ટકા છે. છેલ્લા 24 કલાકમાં, સક્રિય કેસોમાં 11,122 કેસોનો ઘટાડો નોંધવામાં આવ્યો છે. સક્રિય કિસ્સાઓમાં ઘટાડો થવાનો આ સતત બીજો દિવસ છે.

દેશમાં અત્યાર સુધીમાં કુલ કેસ 2.37 કરોડ નોધાયા છે. દેશમાં કુલ મૃત્યુઆંક 2.59 લાખ ને પાર પહોચ્યો છે. કુલ સક્રિય કેસોમાં 13 રાજ્યોનો હિસ્સો 82.51 ટકા છે. દેશમાં કુલ રિકવરી હવે 2 કરોડ નજીક છે. ભારતની કુલ રિકવરી આજે 1,93,82,642 થઈ છે. રાષ્ટ્રીય રીકવરી દર 83.04 ટકા છે. તે જ સમયે, છેલ્લા 24 કલાક દરમિયાન 3,48,421 નવા કેસ નોંધાયા હતા. નવા કેસોમાં દસ રાજ્યોનો 71.22 ટકા હિસ્સો છે.

(1:07 am IST)
  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST

  • મધ્યપ્રદેશમાં ૮૪૧૯ નવા કેસ નોંધાયા, ૭૪ મૃત્યુ અને કોરોનાના સાજા થયેલા દર્દીઓનો આંક ૧૦,૧૫૭ એટલે કે કોરોનાના નવા કેસ કરતા સાજા થવાનો આંક દોઢ હજાર વધુ રહ્યો છે. access_time 9:56 pm IST

  • સિવિલ સર્વિસીઝ પ્રિલીમ્સની પરીક્ષાઓ મોકૂફ: ૧૦ ઓકટોબરે લેવાશે : ૨૭ જુને યોજાયેલ સિવિલ સર્વિસીઝ પ્રિલીમ્સની પરીક્ષાઓ "યુપીએસસી"એ મુલતવી રાખી છે અને હવે આ પરીક્ષાઓ ૧૦ ઓકટોબરે લેવામાં આવશે. access_time 4:55 pm IST