Gujarati News

જમ્મુ કાશ્મીરના બારામૂલામાં ફરીવાર પથ્થરબાજી થઇ છે ઉપદ્રવીઓએ સુરક્ષામાં રહેલા સુરક્ષાબળો પર પત્થરોથી હુમલો કર્યો હતો. જેમાં 47 સુરક્ષાકર્મીઓ ઈજાગ્રસ્ત થયા છે. ઈજાગ્રસ્તોમાં સહાયક કમાંડેંડ પણ સામેલ છે.ઘટનાની જાણ થતા અન્ય સુરક્ષાબળોએ આખા વિસ્તારને ઘેરી લીધો છે. બારામૂલામાં હજુ પણ તનાવપૂર્ણ સ્થિતિ બનેલી છે.

  મળતા અહેવાલ મુજબ જમ્મુ કાશ્મીરના બારામૂલામાં છેલ્લા ઘણા દિવસોથી સ્થિતિ તણાવપૂર્ણ બનેલી છે. મામલાની ગંભીરતા જોતા રાષ્ટ્રીય રાજમાર્ગ પર સુરક્ષાબળોની સંખ્યા વધારી દેવામાં આવી છે. સોમવારે બપોરે અચાનક લોકો રસ્તા ઉપર ઉતરી આવ્યા હતા અને સુરક્ષાબળો ઉપર પત્થર ફેંકવાના શરુ કર્યા હતા.