Gujarati News

Gujarati News

News of Tuesday, 13th April 2021

રશિયાની સ્પુતનિક-વી રસીના અન્ય રસીની જેમ ૨૧ દિવસના અંતરે બે ડોઝ અપાશે

નવી દિલ્હીઃ ભારતના નાગરિકો માટે ગઈકાલે ભારતીય ઔષધિ મહાનિયંત્રણ ડ્રગ કંટ્રોલ જનરલ ઓફ ઇન્ડિયાના નિષ્ણાંતો દ્વારા એક મહત્વનો નિર્ણય લેવામાં આવ્યો હતો. ભારતીય ઔષધિ મહાનિયંત્રણ ડીસીએજીના નિષ્ણાંતોએ રશિયાની કોરોના વિરોધી રસી સ્પુતનિક-વીનો ભારતમાં ઇમર્જન્સી ઉપયોગ કરવાની અનુમતી આપી દીધી હતી.

ત્યારે આજે જાહેર કરવામાં આવ્યું છે કે, સ્પુતનિક-વી રસી ૧૮ વર્ષથી ઉપરના લોકોને આપવામાં આવશે અને અન્ય રસીની જેમ સ્પુતનિક-વી રસીના પણ બે ડોઝ આપવામાં આવશે. આ બે ડોઝ વચ્ચે ૨૧ દિવસનું અંતર રાખવામાં આવશે.ભારતમાં કોવિડ મહામારીનો સામે રક્ષણ આપતી આ ત્રીજી વેકિસનને મંજૂરી મળી છે.

હૈદરાબાદ સ્થિત ડો. રેડ્ડી લેબમાં આ સ્પુતનિક-વી વેકિસનનું કલીનીકલ પરીક્ષણ કરવામાં આવી રહ્યું છે. ડો. રેડ્ડી લેબ દ્વારા સ્પુતનિક-વી વેકિસન અસરકારક હોવાનો દાવો કરવામાં આવ્યો છે. ભારતની આ ડો. રેડ્ડી લેબએ રુસી પ્રત્યેક્ષ નિરવેશ કોષ આરડીઆઇએફ સાથે સમજૂતી કરી છે, જેથી ભારતને આ વેકિસન મળી શકે.

(3:44 pm IST)
  • કોરોના ઇફેકટઃ પટ્ટાવાળાથી માંડી એડી. કલેકટર સુધીના તમામની રજા રદ કરતા કલેકટરઃ ગાંધીનગર જવા અંગે પણ મંજૂરી લેવી પડશે : કલેકટરશ્રી રેમ્યા મોહને ગઇકાલે એક મહત્વનો પરિપત્ર બહાર પાડી કોરોના વાયરસની ભવિષ્યની અસરને પહોંચી વળવા-ત્વરીત કામગીરી સંદર્ભે મહેસૂલના તમામ રપ૦ કર્મચારી જેમાં પટ્ટાવાળાથી માંડી એડીશનલ કલેકટર સુધીનાની રજાઓ રદ કરી નાંખી છેઃ અને આ પરિપત્ર જીલ્લા સંકલન સમિતિના સભ્યો-તમામને લાગુ પડાયો હોય અન્ય તમામ કચેરી પણ આવરી લેવાઇ છેઃ ગાંધીનગર જવા માટે મંજૂરી લેવી પડશેઃ હેડ કવાર્ટર નહી છોડવા પણ આદેશો access_time 3:38 pm IST

  • ઉત્તર પ્રદેશમાં સ્થાનિક સ્વરાજ્યની ચૂંટણી સ્થગિત કરવા ભાજપ સાંસદ કૌશલ કિશોરની માંગ : ચૂંટણી આયોગને લખ્યો પત્ર : કોરોનાએ હાહાકાર મચાવ્યો : અનેક જિલ્લાઓમાં સ્થિતિ ખરાબ : લખનૌમાં લોકડાઉન લાદવું પડે તેવી સ્થિતિ :લખનૌના મોહનલાલ ગંજથી ભાજપના સાંસદે કહ્યું -કોરોના બેકાબુ છે,હજારો પરિવારો ઝપટે ચડ્યા છે,સ્મશાનમાં લાશોના ઢગલા છે,ત્યારે ચૂંટણી નહીં લોકોના જીવ બચાવવા જરૂરી છે access_time 1:13 am IST

  • ઓકિસજન સપ્લાયના અભાવે એક કલાકમાં ૭ દર્દીઓનાં મોત : મુંબઇ : કોવિડ દર્દીઓના સંબંધીઓના જણાવ્યા મુજબ, નાલાસોપારાની વિનાયક હોસ્પિટલમાં ઓકિસજન સપ્લાયના અભાવે એક કલાકમાં ૭ દર્દીઓનાં મોત નીપજ્યાં જાણીતા પત્રકાર શિવાંગી ઠાકુરે પોતાના ટ્વિટર હેન્ડલ ઉપર જણાવ્યું છે. દર્દીઓના સંબંધીઓ હોસ્પિટલમાં વિરોધ પ્રદર્શિત કરી રહ્યા છે. access_time 12:42 pm IST