Gujarati News

Gujarati News

News of Tuesday, 13th April 2021

હવે બે કલાકથી ઓછા સમયની ડોમેસ્ટિક ફલાઈટમાં નહીં મળે ભોજન

દેશમાં વધી રહેલા કોરોનાના સંક્રમણને જોતા સરકારે એરલાઈન્સને આદેશ આપ્યો

નવી દિલ્હી,તા.૧૩: દેશમાં કોરોના વાયરસના વધી રહેલા ચેપને અટકાવવા માટે સરકાર દ્વારા વિવિધ પગલાં લેવામાં આવી રહ્યા છે. હવે સરકારે ગઇ કાલે એરલાઈન્સને આદેશ આપ્યા છે કે બે કલાકથી ઓછા સમયની ડોમેસ્ટિક ફ્લાઈટમાં નાસ્તો કે જમવાનું ન આપે અને વેચે પણ નહીં. જોકે, હાલ પૂરતો આવો કોઈ આદેશ જાહેર કરવામાં આવ્યો નથી.

ફ્લાઈટમાં ખાવા માટે પેસેન્જરો માસ્ક ઉતારે અને તેના કારણે કોરોના વાયરસ ફેલાવાનું જોખમ રહે તેને જોતા આ નિર્ણય લેવામાં આવ્યો છે. જોકે, ફ્લાઈટમાં લાંબા સમય સુધી ભોજન કે નાસ્તો કરતા રોકી શકાય નહીં તેના કારણે ફકત બે કલાક સુધીની ડોમેસ્ટિક ફ્લાઈટ્સ માટે આ નિર્ણય લેવામાં આવ્યો છે.

એવિયેશન મંત્રાલયના એક સિનિયર અધિકારીએ કહ્યું હતું કે, અમે ગત વર્ષે પણ આ ફ્લાઈટની અંદર ભોજન કે નાસ્તા અંગે નિર્ણય લીધો હતો જેના કારણે સારા પરિણામ મળ્યા હતા. નોંધનીય છે કે કોરોનાના ઝડપથી વધી રહેલા ચેપને જોતા એર ઈન્ડિયા યુએસ, યુકે, કેનેડા અને ઓસ્ટ્રેલિયાની નોન-સ્ટોપ ફ્લાઈટ માટે ક્રુ મેમ્બર્સનું ટેસ્ટિંગ કરે છે. આ ઉપરાંત યુએઈ, યુકે અને યુરોપથી આવતી ફ્લાઈટ્સના ક્રુ માટે પણ પોસ્ટ-ફ્લાઈટ ટેસ્ટિંગ શરૂ કરવામાં આવ્યું છે.

ગત વર્ષે મે મહિનાથી ડોમેસ્ટિક ફ્લાઈટ્સ શરૂ કરવામાં આવી છે ત્યારથી એર ઈન્ડિયા તેના પાયલોટને હોટલમાં જ જમવાની સુવિધા ઉપલબ્ધ કરાવે છે જેથી કરીને તેમને પોતાની હોટલ કે રૂમ છોડવી પડે નહીં.

(10:25 am IST)
  • હોલમાર્ક વગરના સોના - ઝવેરાત અંગે સરકારનો મોટો નિર્ણય : 1 જૂનથી વેચી નહીં શકાય : સરકારે મંગળવારે કહ્યું છે કે તે 1 જૂન 2021 થી ગોલ્ડ જ્વેલરી અને ઉત્પાદનો માટે ફરજિયાત હેલમાર્કિંગ લાગુ કરવા માટે સંપૂર્ણ રીતે તૈયાર છે. ગોલ્ડ હોલમાર્કિંગ કિંમતી ધાતુની શુદ્ધતા માટેનું પ્રમાણપત્ર છે અને હાલમાં સ્વૈચ્છિક છે. access_time 12:16 am IST

  • ઓરિસ્સામાં કોરોના વેક્સિનની અછત : રાજ્યના 11 જિલ્લાઓમાં રસીકરણ અભિયાન સ્થગિત કરાયું : ઓરિસ્સાના 30 જિલ્લાઓમાંથી 11 જિલ્લાઓમાં વેક્સિનની તંગીને કારણે રસીકરણ અટકી ગયું access_time 1:03 am IST

  • ચૈત્રી નોરતાની દેશવાસીઓને શુભેચ્છા પાઠવી વડાપ્રધાન શ્રી મોદીએ આજથી 9 દિવસના ઉપવાસ શરૂ કર્યા : આ અગાઉ 2014 ની સાલમાં અમેરિકા ગયા હતા ત્યારે પણ નવરાત્રી હોવાથી ઉપવાસ કર્યા હતા : આ વખતે પશ્ચિમ બંગાળની ચૂંટણી વચ્ચે ઉપવાસ ચાલુ : શક્તિના ઉપાસક શ્રી નરેન્દ્રભાઈ છેલ્લા 40 વર્ષથી બંને નવરાત્રી દરમિયાન ઉપવાસ કરે છે access_time 12:43 pm IST