Gujarati News

Gujarati News

News of Monday, 12th April 2021

એક અબજ ડોલરનું વળતર ચૂકવો પછી જહાજ મુક્ત થશે: ઈજિપ્તે સુએજ નહેરમાં ફસાયેલા જહાજ કંપની પાસે વળતરની માગણી કરી: ભારતીય ક્રુમેમ્બર્સ પણ ફસાયા

સુએજ કેનાલ ઓથોરિટીએ કહ્યું હતું કે ઈજિપ્તે સુએજ નહેરમાં ફસાયેલા જહાજની કંપની પાસે વળતરની માગણી કરી છે. જ્યાં સુધી કંપની વળતર નહીં આપે ત્યાં સુધી જહાજ અને તેના ક્રુમેમ્બર્સને મુક્ત કરવામાં નહીં આવે. એમાં ભારતીય ક્રુમેમ્બર્સ પણ ફસાયા છે.

સુએજ કેનાલ ઓથોરિટીના પ્રવક્તા ઓસામા રોબીએ કહ્યું કે બંને પક્ષે ટૂંક સમયમાં સમજૂતી થઈ જશે એવી આશા છે. :કંપની ઈજિપ્તને એક અબજ ડોલરનું વળતર આપવા તૈયાર થશે, એ જ પળે જહાજને મુક્ત કરી દેવાશે.: સુએજ કેનાલ ઓથોરિટીએ કહ્યું હતું કે જહાજને કાઢવાની પ્રક્રિયામાં જે ખર્ચ થયો એટલાની જ માગણી કરવામાં આવી રહી છે. જહાજને કાઢવામાં ૮૦૦ લોકોને લગાડવામાં આવ્યા હતા અને ઘણી મશીનરીનો ઉપયોગ થયો હતો.

આ જહાજ જાપાની કંપની શુઈ કિશેન કાશા લિમિટેડના પ્રવક્તાએ કહ્યું હતું કે કંપનીને હજુ સુધી કોઈ જ નોટિસ મળી નથી. જહાજને મુક્ત ન કરવા મુદ્દે જાપાની કંપનીએ લંડનની કોર્ટમાં પણ અરજી કરી છે. કંપનીના વડા એરિક હેશહે કહ્યું હતું કે કંપની કાર્ગોના વિલંબ માટે જવાબદારીમાંથી મુક્ત છે, કારણ કે એ ક્લેઈમ તો વીમા દ્વારા કવર થાય છે.
આ બધી દલીલો વચ્ચે ખરી મુશ્કેલી જહાજમાં ફસાયેલા ક્રુ-મેમ્બર્સ ભોગવી રહ્યાં છે. ભારતના ૨૫ ક્રુમેમ્બર્સ આ જહાજ મુદ્દે બંને પક્ષે સમાધાન નહીં થાય ત્યાં સુધી ફસાયેલા રહેશે.

(12:58 am IST)
  • ઉત્તર પ્રદેશમાં સ્થાનિક સ્વરાજ્યની ચૂંટણી સ્થગિત કરવા ભાજપ સાંસદ કૌશલ કિશોરની માંગ : ચૂંટણી આયોગને લખ્યો પત્ર : કોરોનાએ હાહાકાર મચાવ્યો : અનેક જિલ્લાઓમાં સ્થિતિ ખરાબ : લખનૌમાં લોકડાઉન લાદવું પડે તેવી સ્થિતિ :લખનૌના મોહનલાલ ગંજથી ભાજપના સાંસદે કહ્યું -કોરોના બેકાબુ છે,હજારો પરિવારો ઝપટે ચડ્યા છે,સ્મશાનમાં લાશોના ઢગલા છે,ત્યારે ચૂંટણી નહીં લોકોના જીવ બચાવવા જરૂરી છે access_time 1:13 am IST

  • ઓકિસજન સપ્લાયના અભાવે એક કલાકમાં ૭ દર્દીઓનાં મોત : મુંબઇ : કોવિડ દર્દીઓના સંબંધીઓના જણાવ્યા મુજબ, નાલાસોપારાની વિનાયક હોસ્પિટલમાં ઓકિસજન સપ્લાયના અભાવે એક કલાકમાં ૭ દર્દીઓનાં મોત નીપજ્યાં જાણીતા પત્રકાર શિવાંગી ઠાકુરે પોતાના ટ્વિટર હેન્ડલ ઉપર જણાવ્યું છે. દર્દીઓના સંબંધીઓ હોસ્પિટલમાં વિરોધ પ્રદર્શિત કરી રહ્યા છે. access_time 12:42 pm IST

  • સુરત મહાનગરપાલિકાના એક્ઝિક્યુટિવ એન્જિનિયર હિતેન્દ્ર સુથારનું કોરોનાથી નિધન : સુરત મહાનગરપાલિકાના કર્મચારીનું પણ કોરોનાને કારણે મોત થયાના સમાચાર મળ્યાં છે. મનપા કર્મચારી હિતેન્દ્ર સુથાર જેઓ એક્ઝિક્યુટિવ એન્જિનિયર તરીકે ફરજ બજાવતા હતા તેમનું પણ આજે નિધન થયું હતું. સુરતમાં કોરોનાનો કહેર વધી રહ્યો છે તે પરિસ્થિતિની સાબિતી આ સમાચાર આપી રહ્યાં છે. access_time 1:40 pm IST