Gujarati News

Gujarati News

News of Tuesday, 13th March 2018

સુપરસ્ટાર રજનીકાંત હિમાચલ પ્રદેશની આધ્યાત્મિક યાત્રાઅે: આધ્યાત્મિક ગુરૂના આશિર્વાદ પ્રાપ્ત કર્યા

નવી દિલ્હીઃ સુપરસ્ટાર અભિનેતા રજનીકાંત હિમાચલ પ્રદેશની આધ્યાત્મિક યાત્રાઅે ગયા છે. તેઓઅે જુદા-જુદા મંદિરોના દર્શન કરીને પોતાના આધ્યાત્મિક ગુરૂના આશિર્વાદ પ્રાપ્ત કર્યા હતાં.

રવિવારે સવારે હિમાયલ પ્રદેશના પાલમપુર પહોંચી રજનીકાંતે કહ્યું કે તેઓ હાલમાં રાજકારણની વાત નહીં કરે. તેઓ રાજ્યના પૂર્વ મુખ્યપ્રધાન પ્રેમકુમાર ધુમને પણ મળ્યા હતાં. ઉપરાંત બેજનાથના ઐતિહાસિક શિવ મંદિરે જઈ પ્રણામ કર્યા હતાં.

પાલમપુર પછી પહોંચતા અગાઉ તેઓ સિમલા પધાર્યા હતાં. હવે તેઓ ઋષિકેશ પણ જનાર છે. રજનીકાંત તેમના આધ્યાત્મિક ગુરુ યોગીરાજ અમર જ્યોતિ મહારાજને પણ મળ્યા હતાં અને તેમના આશિર્વાદ લીધા હતાં.

રજનીકાંત નિયમિતપણે આધ્યાત્મિક યાત્રાએ જાય છે. તેમણે 31 ડિસેમ્બરે રાજકારણમાં ઝંપલાવવાની તથા તમિલનાડુ વિધાનસભાની બધી જ 234 બેઠકો માટે ચૂંટણી લડવાની જાહેરાત કરી હતી.

(7:43 pm IST)
  • ઈન્ડિગોએ તેની ૩૨૦ એરબસના ૯ વિમાનો ઉડ્ડયનમાંથી દૂર કર્યાઃ ૪૭ ફલાઈટો રદ થઈઃ અમદાવાદથી લખનૌ જતા પ્લેનનું એન્જીન હવામાં બંધ થઈ જતા : ઈન્ડિગો અને ગો-એર પાસે એ-૩૨૦ નીયો સિરીઝના ૧૧ વિમાનોઃ હવે આ બધા વિમાનમાં નવા એન્જીન લગાડાશેઃ ઉડાન ભર્યા પછી અથવા હવામાં એન્જીનો એની મેળે બંધ થઈ જતા હતા access_time 11:28 am IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST