Gujarati News

Gujarati News

News of Tuesday, 13th March 2018

જયા બચ્ચન સંસદમાં સૌથી ધનવાન સાંસદ

નવી દિલ્હી તા. ૧૩ : રાજયસભાની આ ચૂંટણી બાદ સંસદના બન્ને ગૃહમાં જયા સૌથી ધનવાન સાંસદ બની જશે. હાલમાં દેશના સૌથી ધનવાન સાંસદ રવીન્દ્રકિશોર સિંહા છે. એસોસિએશન ફોર ડેમોક્રેટિક રિફોર્મ્સ(ADR)ના જણાવ્યા અનુસાર બિહારમાંથી રાજયસભાના સાંસદ સિંહાની કુલ સંપત્ત્િ। ૮૫૭ કરોડ રૂપિયા છે. તેમની ટર્મ બીજી એપ્રિલે પૂરી થઈ રહી છે.

સંપત્ત્િ।ના મામલે ત્યાર પછીના ક્રમે આવનારા સાંસદોની સંપત્તિ ઘણી ઓછી છે. રાજયસભાની આ ૫૮ બેઠકો માટે ચૂંટણી સંપન્ન થઈ ગયા બાદ જયા બચ્ચન સૌથી ધનવાન સાંસદ બની જશે. જયા બચ્ચન અને તેમના પતિ અમિતાભ બચ્ચનની સંપત્ત્િ। ૨૦૧૨માં ૫૦૦ કરોડ રૂપિયા હતી, જે વધીને હાલમાં ૧૦૦૦ કરોડ રૂપિયા થઈ ગઈ છે. જયાએ રાજયસભા માટે નોમિનેશન દાખલ કર્યું તેમાં આ વિગત મળી છે.

જયા પાસે ૪૬૦ કરોડ રૂપિયાની સ્થાવર મિલકત છે, જે ૨૦૧૨માં હતી તેના કરતાં બે ગણાથી પણ વધારે છે. ૨૦૧૨માં આ દંપતી પાસે ૧૫૨ કરોડ રૂપિયાની સ્થાવર મિલકત હતી. જંગમ મિલકત ૩૨૩ કરોડ રૂપિયાની હતી, જે વધીને ૫૪૦ કરોડ રૂપિયા થઈ ગઈ છે. ૬૧ કરોડ રૂપિયાના દાગીના છે. બચ્ચન દંપતી પાસે ૧૨ કાર છે, જેમાં રોલ્સ રોયસ, ત્રણ મર્સિડિઝ, એક પોર્શ અને એક રેન્જ રોવર છે. અમિતાભ પાસે એક નેનો કાર છે અને એક ટ્રેકટર પણ છે. આ તેમની પાસે ઉપરાંત દિલ્હી, મુંબઈ સહિત અનેક શહેરોમાં મોંઘી જમીન, મોંઘી ઘડિયાળ અને મોંઘી પેન છે.(૨૧.૧૧)

(11:35 am IST)
  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST

  • મે-ર૦૧૯ સુધી આધારકાર્ડની જરૂરીયાતનો સુપ્રિમ કોર્ટ મુલત્વી રાખેઃ અત્યારે જીએસટી જેવી અંધાધુંધ પરિસ્થિતિ પ્રવર્તે છે! સુબ્રમણ્યમ સ્વામીનો વધુ એક વિસ્ફોટ access_time 11:29 am IST

  • રાજસ્થાનની ચૂંટણી જીતવા કોંગ્રેસે બુથ મેનેજમેન્ટનો મોટો પ્લાન બનાવ્યોઃ લોકસભાની ચૂંટણી સમયે પણ ઉપયોગ કરવા સંભવ : 'શકિત' નામના ડીજીટલ પ્લેટફોર્મનો ઉપયોગ કરી પક્ષના કાર્યકર્તાઓ અને મતદારોના આંકડા મેળવાશે access_time 4:26 pm IST