Gujarati News

Gujarati News

News of Tuesday, 13th February 2018

અગસ્તા વેસ્ટલેન્ડ મામલે રમણ સરકારને મોટી રાહત

સુપ્રિમ કોર્ટે ભ્રષ્ટાચાર અંગેની જનહીત અરજી ફગાવી

નવી દિલ્હી તા. ૧૩ : સુપ્રીમ કોર્ટે અગસ્તા વેસ્ટલેન્ડ વીવીઆઈપી હેલિકોપ્ટર સોદામાં લાંચના આરોપવાળી અરજી રદ કરી દીધી છે. કોર્ટના આ નિર્ણયથી છત્તીસગઢના મુખ્યમંત્રી રમણ સિંહના દીકરાને મોટી રાહત મળી છે.રમણસિંહના દીકરા અભિષેક સિંહ પર ૩૬૦૦ કરોડ રૂપિયાના ત્રણ વીવીઆઈપી હેલિકોપ્ટરના આ સોદામાં લાંચનો આરોપ હતો. આ સંબંધમાં એક અરજી કરાઇ હતી. તેના પર મંગળવારના રોજ સુપ્રીમ કોર્ટમાં સુનવણી થઇ. સુનવણી દરમ્યાન જસ્ટિસ આદર્શ ગોયલ અને જસ્ટિસ ઉદય ઉમેશ લલિતની કોર્ટે કહ્યું કે અરજી રદ કરી દેવામાં આવી છે કારણ કે તેમાં કોઇ તથ્ય નથી.

કેસની સુનવણી દરમ્યાન છત્તીસગઢ સરકારને પૂછવામાં આવ્યું હતું કે આ સોદામાં મુખ્યમંત્રી રમણસિંહના દીકરાને કેમ રસ હતો? એટલું જ નહીં તેની સાથે જ કથિત રીતે મુખ્યમંત્રીના દીકરા સાથે જોડાયેલ વિદેશી બેન્ક ખાતા પર પણ પ્રશ્ન ઉઠાવ્યા હતા. અરજી કરનારાઓએ આરોપ મૂકયો હતો કે જુલાઇ ૨૦૦૮મા અભિષેક સિંહના નામ પર બ્રિટિશ વર્જિન આઈલેન્ડમાં બેન્ક ખાતું ખોલ્યું. ૧ ઓગસ્ટ ૨૦૦૮ના રોજ સોદામાં સંલિપ્ત એક ફર્મને ઘેરવામાં આવી,

રાજયની તરફથી રજૂ થયેલ વકીલ મહેશ જેઠમલાણીને બેન્ચે પૂછયું હતું કે અભિષેક સિંહ જે રાજયમાં મુખ્યમંત્રીના દીકરા પણ છે તેમાં તેમને રસ કેમ હતો? તમારે અમને એ વાત પર સંતુષ્ટ કરવાના છે. જેના પર જેઠમલાણીએ જવાબ આપ્યો હતો કે આરોપ નિરાધાર કટાક્ષ છે. આ પ્રકારના દાવાના પક્ષમાં કોઇ પૂરતા પ્રમાણે નથી. તેમણે કોર્ટને કહ્યું હતું કે અરજીમાં લગાવેલા તમામ આરોપ બેબુનિયાદ છે.

અરજી કરનારાઓએ આરોપ મૂકયો હતો કે જુલાઇ ૨૦૦૮માં અભિષેક સિંહના નામ પર બ્રિટિશ વર્જિન આઈલેન્ડમાં બેન્ક ખાતું ખોલ્યું. ૧ ઓગસ્ટ ૨૦૦૮ના રોજ સોદામાં સંલિપ્ત એક ફર્મને ઘેરવામાં આવી,

ઉલ્લેખનીય છે કે ભારતીય વાયુસેનાને ૧૨ એડબલ્યુ-૧૦૧ વીવીઆઈપી હેલિકોપ્ટર પૂરા પાડવા માટે ફિનમેકેનિકાની બ્રિટિશ સહાયક કંપની અગસ્ટા વેસ્ટલેન્ડની સાથે જાન્યુઆરી ૨૦૧૪માં કરાર પૂરો થઇ ગયો છે. નિવિદાની શરતોનું ઉલ્લંઘન અને સોદો સુનિશ્ચિત કરવા માટે કંપનીની તરફથી લાંચ આપવાના આરોપ પર આ કરાર રદ કરાયો હતો.

(4:12 pm IST)
  • હરિયાણામાં જાટો ઉપર થયેલ કેસો પાછા ખેંચવા થયેલ સમજૂતી : ગુજરાતમાં પાટીદારો સામે કયારે? :ચંદીગઢ : અખિલ ભારતીય જાટ અનામત સંઘર્ષ સમિતિ અને હરિયાણા સરકાર વચ્ચે સમજૂતી સઘાઈ ગઈ છે : હરિયાણા સરકારે જાટ આંદોલનકારીયો ઉપર દાખલ કરાયેલ બધા કેસો પાછા ખેંચવાની વાત માની લીધી હોવાનું રાજસ્થાન પત્રિકા નોંધે છે access_time 3:39 pm IST

  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST