Gujarati News

Gujarati News

News of Tuesday, 13th February 2018

UKમાં કિંગફિશર કેસ હાર્યું

વિજય માલ્યાને વધુ એક ઝટકો, ચુકવવા પડશે ૫૭૯ કરોડ

લંડન તા. ૧૩ : ભારતમાં કોર્ટ દ્વારા ભાગેડુ જાહેર કરાયેલા વિજય માલ્યાને વધુ એક મોટો ઝટકો લાગ્યો છે. તેમની કિંગફિશર એરલાઈન્સ યુકેમાં એક કેસ હારી ગઈ છે. તેમાં તેમણે એક કંપનીને ૯૦ મિલિયન ડોલર લગભગ ૫૭૯ કરોડ રૂપિયા કલેમ તરીકે આપવા કહેવામાં આવ્યું છે.

આ કેસબંધ થઈ ચૂકેલી કિંગફિશર એરલાઈન્સ સાથે જોડાયેલો હતો. વિજય માલ્યાની કંપની સામે સિંગાપુરની બીઓસી એવિએશન નામની કંપનીએ કેસ કર્યો હતો. અહેવાલો મુજબ, મામલો ૨૦૧૪નો છે, ત્યારે કિંગફિશે બીઓસીના કેટલાક પ્લેન લીઝ પર લીધા હતા.

બીઓસી એવિએશન અને કિંગફિશર એરલાઈન્સની વચ્ચે આ મામલો લીઝ અગ્રીમેન્ટને લઈને હતો. બંને વચ્ચે ચાર પ્લેન માટે ડીલ થઈ હતી, જેમાંથી ત્રણ ડિલિવર કરી દેવાયા હતા. ઉલ્લેખનીય છે કે, માલ્યા પર ભારતીય બેંકોના ૯ હજાર કરોડ રૂપિયાનું દેવું છે. બીઓસી એવિએશન સિંગાપુર અને બીઓસી એવિએશન આયર્લેન્ડએ આ મામલે કિંગફિશર એરલાઈન્સ અને યુનાઈટેડ બ્રૂવરિઝનું નામ લીધું હતું. યુનાઈટેડ બ્રૂવરિઝમાં પણ માલ્યાની મોટી ભાગીદારી છે.

(10:48 am IST)
  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST

  • પાઘડીના શણગારથી ઝળહળી ઊઠ્યા શ્રી સોમનાથ મહાદેવ - કરો મહાદેવના પાઘડી દર્શન : મહાશિવરાત્રિ નિમિત્તે પ્રથમ જ્યોતિર્લિંગ સોમનાથમાં ભાવિકોનો અદ્ભૂત ધસારો જોવા મળ્યો છે. સોમનાથ મંદિરમાં મહાદેવને અનેક જાતના શણગાર કરવામાં આવ્યાં હતાં. જેમાં પાઘડીના શણગારથી મહાદેવની શોભામાં અભિવૃદ્ધિ થઇ હતી. access_time 11:50 pm IST

  • ત્રિપુરામાં ચૂંટણી પ્રચાર બાદ દક્ષિણનો કિલ્લો કર્ણાટકમાં વડાપ્રધાન મોદી અને અમિતભાઇ શાહ ઘૂમી વળશે :કોંગ્રેસ પાસેથી કર્ણાટક છીનવવા કરશે કવાયત :મોદી અને શાહના કરિશ્માથી પ્રચાર અભિયાન આગળ ધપાવી કર્ણાટક કરશે કબ્જે access_time 11:26 pm IST