Gujarati News

મુંબઈ : સાઉદી અરેબિયા પાકિસ્તાનના ગવાદર ખાતે ૧૦ અબજ ડોલરના રોકાણથી ઓઈલ રિફાનરી સ્થાપશે એમ સાઉદીના એનર્જી મિનિસ્ટરે જણાવ્યુ હતું. આ ઉપરાંત તે હિંદ મહાસાગરમાં ચીનની મદદથી પોર્ટ બનાવવામાં આવી રહ્યુ છે. ઓઈલના ભાવમાં વધારો થતા કરન્ટ એકાઉન્ટ ડેફિસિટમાં વધારો થયો છે આ ઉપરાંત અત્યાર આર્થિક મુશ્કેલીઓને કારણે પાકિસ્તાને સાઉદી અરેબિયા પાસેથી મદદ માગી છે. ગત વર્ષે સાઉદી અરેબિયાએ પાકિસ્તાને ૬ અબજ ડોલરના પેકેજની જાહેરાત કરી હતી.

  સાઉદીના એનર્જી મિનિસ્ટર ખાલિદ અલ ફલાહે જણાવ્યુ કે, સાઉદી અરેબિયા પાકિસ્તાનમાં ઈકોનોમિક કોરિડોર બનાવવા જઈ રહ્યુ છે તેની સાથે તે ઓઈલ રિફાઈનરીની પણ સ્થાપના કરવા જઈ રહી છે જેમાં પાકિસ્તાન અને ચીનની ભાગીદાર રહેવાની છે.

   અત્રે ઉલ્લેખનીય છે કે, સાઉદી અરેબિયાના ક્રાઉન પ્રિન્સ મહોમ્મદ બિન સલમાન એગ્રિમેન્ટ ઉપર હસ્તક્ષર કરવા માટે પાકિસ્તાની મુલકાતે આવશે.

  ચાઈના પાકિસ્તાન ઈકોનોમિક કોરિડોર પાછળ ચીને ૬૦ અબજ ડોલરનું ખર્ચ કર્યુ છે. જેમાં પાવર સ્ટેશન, હાઈવે, નવી અને અપગ્રેડ રેલવે અને સારા પોર્ટનો સમાવેશ થાય છે. જે પાકિસ્તાને વેસ્ટ ચાઈના સાથે જોડવાની મેજર લિંક બનાવશે.

  પાકિસ્તાનના પેટ્રોલિમ મિનિસ્ટર ગુલાબ સરવર ખાને જણાવ્યુ કે, ગવાદર ખાતે તે ઓઈલ રિફાઈનારી સેટઅપ કરવા જઈ રહ્યા છે. અત્રે ઉલ્લેખનીય છે કે ઓગસ્ટમાં ઈમરાન ખાનની સરકાર આવ્યા પછી પાકિસ્તાનએ સાઉદી અરેબિયા, યુનાઈટેડ અરબ ઈમેરાત અને ચીન પાસેથી આર્થિક સહાયની માગણી કરી છે.