Gujarati News

Gujarati News

News of Saturday, 13th January 2018

બિહારના આશ્રમમાં ત્રણ સાધ્વીઓ પર થયો સામૂહિક બળાત્કાર

પટણા તા. ૧૩ : બિહારના નવાડા જિલ્લામાના એક આશ્રમમાં ત્રણ સાધ્વીઓ પર ગેંગરેપની ઘટના બની છે અને આરોપીઓમાં આશ્રમના સંચાલકનો પણ સમાવેશ છે. સંચાલક અને બીજા આરોપી ફરાર છે. ત્રણે સાધ્વીઓ પર ૨૦૧૭ની ચોથી ડિસેમ્બરે સંત કુટિર આશ્રમના સંચાલક તપસ્યાનંદ અને તેમના ૧૨ જેટલા સાથીઓએ બળાત્કાર કર્યો હતો.

તપસ્યાનંદ પર ઉત્તર પ્રદેશના એક આશ્રમમાં પણ બળાત્કાર કર્યાનો આરોપ છે. ત્યાંથી તે ભાગી છુટયો હતો અને સંત કુટિર આશ્રમમાં તેણે આશ્રય લીધો હતો.

સાત-આઠ વર્ષથી તે આ આશ્રમ ચલાવતો હતો. ઉત્તર પ્રદેશ પોલીસે આશ્રમ પર દરોડો પાડયો હતો, પણ તે ભાગી છુટયો હતો.

(12:52 pm IST)
  • અમદાવાદમાં મોડી રાત્રે ૧૧ બાઈકો સળગાવવામાં આવી: અમદાવાદના સરદારનગર વિસ્તારમાં મોડી રાત્રે ૧૧ બાઈકો સળગાવવામાં આવ્યા : સીતારામ ચોક પાસે બન્યો બનાવ : સરદારનગર પોલીસે ગુનો નોંધી વધુ તપાસ હાથ ધરી access_time 11:44 am IST

  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 12:44 am IST

  • મુંબઇથી ઉપડેલું હેલિકોપ્ટર થયું ગુમ : ઓએનજીસીના કર્મચારીઓ સહિત 7 લોકો તેમાં હતા સવાર : હેલિકોપ્ટર સવારે 10.20 કલાકે ઉડ્યું હતું, જે ઓએનજીસીના ઉત્તરીય વિસ્તારમાં 10.58 કલાકે પહોંચવાનું હતું, પરંતુ 10.30 વાગ્યા પછી તેના કોઈ સિગ્નલ મળ્યા નથી. access_time 1:31 pm IST