Gujarati News

Gujarati News

News of Friday, 12th January 2018

ગાય ચોરીનું આળ મૂકી બે દલિત યુવકોનું મુંડન કરીને ફેરવ્યાઃ યુપીના બલિયા જિલ્લાની ઘટના

ગળામાં 'અમે ગાય ચોર છીએ' લખીને પ્લેકાર્ડ્સ પણ લટકાવ્યા : હિન્દુ યુવા વાહિનીના કાર્યકરો ઉપર આરોપ

બલિયાઃ ઉત્ત્।ર પ્રદેશના બલિયા જિલ્લામાં ગાયોની ચોરીનો આરોપ મૂકીને બે દલિત યુવકોના માથે મુંડન કરાવીને રસ્તા પર ફેરવવાની ઘટનામાં હિંદુ યુવા વાહિનીના કાર્યકર્તાઓ પર આરોપ મુકાયો છે પોલીસના જણાવ્યા મુજબ, ગાય ચોરીના આરોપમાં પ્રવીણ શ્રીવાસ્તવ નામની વ્યકિતની ફરિયાદ પર ચોરીના આરોપી બંને યુવકોની કલમ ૩૭૯ અને ૪૧૧ (ચોરી) હેઠળ ધરપકડ કરાઈ છે

બાદમાં આ બંને યુવકોમાંથી એકે પોલીસમાં ફરિયાદ નોંધાવી જણાવાયું છે કે હિંદુ યુવા વાહિનીના કાર્યકર્તાઓએ તેમને બે ગાય સાથે રોકયા હતા પોલીસ સમક્ષ નોંધાવેલી ફરિયાદમાં ઉમા રામે કહ્યું છે કે, હિંદુ યુવા વાહિનીના કાર્યકર્તાઓએ તેમના પુત્રનું માથું મુંડાવી તેમના ગળામાં ટાયર લટકાવીને સમગ્ર વિસ્તારમાં ફેરવ્યો હતો.અને ગળામાં અમે ગાય ચોર છીએ. લખીને પ્લે કાર્ડ્સ પણ લટકાવ્યાં હતાં.

ઉમા રામની ફરિયાદ પર પોલીસે ૧૫ અજાણ્યા લોકો સામે કેસ નોંધ્યો છે. આ લોકો વિરૂદ્ઘ દલિત ઉત્પીડન એકટ અંતર્ગત કેસ દાખલ કરાયો છે બલિયાના એસપી અનિલ કુમારે કહ્યું છે કે, સમગ્ર મામલાની જવાબદારી એસપી અવધેશ ચૌધરીને સોંપવામાં આવી છે. તેઓ આ મામલે તપાસ કરી રિપોર્ટ સોંપશે.

(12:32 pm IST)
  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • મહારાષ્ટ્રના સાંગલીમાં બે ગાડીઓના ગમખ્વાર અકસ્માતમાં ૬ લોકોના મોત અને 5 લોકો ઘાયલ થયા છે. access_time 1:14 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST