Gujarati News

Gujarati News

News of Monday, 11th November 2019

આબુરોડ નજીક આમથલા ગામના પુલ પર જીપ અને કાર વચ્ચે અકસ્માત : જીપ પુલની રેલિંગ ઉપર લટકી : આઠ લોકોને ઇજા

સિરોહી રોડ ઉપર મુસાફરો ભરેલી જીપ સાથે કાર ધડાકાભેર અથડાઈ

રાજસ્થાનના આબુરોડ નજીક આમથલા ગામના પુલ ઉપર  જીપ અને કાર વચ્ચે અકસ્માત સર્જાતાં જીપ નદીના પુલ પરની રેલીંગ ઉપર લટકી હતી. આ અકસ્માતમાં 8 વ્યક્તિઓને ઇજા થતાં આબુરોડની હોસ્પિટલમાં સારવાર અર્થે ખસેડાયા હતા.

 આ અંગે મળતી વિગત મુજબ રાજસ્થાનના આબુરોડ નજીક સર્જાયેલા અકસ્માતની મળતી વિગતો પ્રમાણે આબુરોડ સિરોહી રોડ ઉપર પસાર થઈ રહેલી મુસાફર ભરેલી જીપ આમથલા ગામના પુલ ઉપર પસાર થઈ રહી હતી. ત્યારે સામેથી આવી રહેલી કાર સાથે ધડાકાભેર અકસ્માત સર્જાયો હતો.જેમાં જીપ નદીના પુલની રેલીંગ ઉપર લટકી ગઈ હતી. બુલડોઝરની મદદથી જીપ નીચે ઉતારવામાં આવી હતી અને ટ્રાફિક પૂર્વવત શરુ કરવામાં આવ્યો હતો. 

અકસ્માતમાં 8 વ્યક્તિઓ ઇજાગ્રસ્ત થયા હતા. ઇજાગ્રસ્તોને સારવાર માટે આબુરોડની હોસ્પિટલમાં ખસેડાયા હતા. અકસ્માતની જાણ થતાં સ્થાનિક પોલીસ ઘટના સ્થળે દોડી આવી હતી.

(12:15 am IST)
  • ઘોર કળીયુગ : ત્રણ દિવસમાં નિવૃત થવાના હતા પિતા : રહેમરાહે નોકરીની લાલચમાં પુત્રએ પતાવી દીધા : છત્તીસગઢમાં જશપુર જિલ્લામાં અનુકંપા પર નિયુક્તિની લાલચમાં એક યુવકે પોતાના પિતાની હત્યા કરી : યુવક અને તેના બે સાગરીતોને પોલીસે ઝડપી લીધા: સન્ના થાણા ક્ષેત્રમાં મહાબીર સાયની હત્યાના આરોપમાં પોલીસે તેના પુત્ર જીવન સાય અને તેના બે સહયોગીની ધરપકડ કરી :સન્નાના જંગલમાં મહાબીર સાયની લાશ મળી હતી access_time 1:11 am IST

  • ઝારખંડમાં એકલાહાથે ચૂંટણી લડશે જેડીયુ : વિધાનસભા ચૂંટણી માટે પ્રથમ યાદી જાહેર : જેડીયુએ 11 ઉમેદવારોની જાહેરાત કરી : પ્રથમ તબક્કાના મતદાનવાળી સીટો પર જેડીયુએ પોતાના ઉમેદવાર જાહેર કર્યા access_time 1:24 am IST

  • અમદાવાદના મણિનગર વિસ્તારમાં એએમસી પમ્પીંગ સ્ટેશનમાં ક્લોરીન ગેસ લીકેજ થતા અડધો કિલોમીટર વિસ્તારમાં અસર થી છે access_time 8:41 pm IST