Gujarati News

Gujarati News

News of Friday, 12th October 2018

GST માં જોઈન્ટ પ્રોપર્ટી પર માલિકોને ૨૦-૨૦ લાખ સુધીની છૂટછાટ

નવી દિલ્હી, તા.૧૨: નાના વેપારીઓ માટે નિર્ધારિત રૂ.૨૦ લાખના ટર્નઓવર સુધી જીએસટીમાંથી છૂટની મર્યાદા સંયુકત પ્રોપર્ટીના મામલે તમામ માલિકોને અલગ અલગ મળશે. જીએસટી લાગુ થયા બાદ છેડાયેલા વિવાદમાં કેરળની ઓથોરિટી ઓફ એડ્વાન્સ રુલિંગના ચુકાદામાં સ્પષ્ટ કરવામાં આવ્યું છે કે જોઇન્ટ પ્રોપર્ટી પર તમામ માલિકોને ૨૦-૨૦ લાખ સુધી જીએસટીમાં છૂટ મળશે.જો પ્રોપર્ટીની કુલ વાર્ષિક આવક રૂ. ૨૦ લાખથી વધુ હોય, પરંતુ કોઇ સંયુકત માલિકને ૨૦ લાખથી ઓછો હિસ્સો મળતો હોય તો તેને જીએસટી રજિસ્ટ્રેશન લેવાની જરૂર રહેશે નહીં. ટેકસ નિષ્ણાતોનું કહેવું છે કે આ ચુકાદાની દુરોગામી અસરો પડશે.

કારણ કે સર્વિસ ટેકસનાં જીએસટીમાં સામેલ થયા બાદ લાખોની સંખ્યામાં પ્રોપર્ટીનાં સંયુકત માલિકો પર રજિસ્ટ્રેશન અને ટેકસ કોમ્પ્લાયન્સની તલવાર લટકી રહી હતી. સંયુકત માલિકી હક ધરાવતી પ્રોપર્ટી પર તેમાંથી થતી આવક સરખી વહેંચવામાં આવે છે તો ૨૦ લાખની મુકિત મર્યાદા બધાને અલગ અલગ મળશે.

(3:45 pm IST)
  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST

  • જૂનાગઢ-વંથલીના ટીકર ગામે આધેડની બોથડ પદાથઁના ઘા મારી હત્યા:આધેડની કોહવાયેલ હાલતમા તેના જ ઘર માથી લાશ મળી:લાશને પીએમ માટે જામનગર સીવીલમા ખશેડાઇ: મૃતકના ભાઇની ફરીયાદ લઇ પોલીસે અજાણ્યાં શખ્શો સામે ખૂનનો ગૂન્હો દાખલ કયોઁ access_time 11:16 pm IST

  • આજે પણ ફરી અમેરિકી શેરબજાર થયું ધબાય નમઃ : ડાઉ જોન્સ 545 પોઇન્ટ તૂટ્યો : વૈશ્વિક અર્થતંત્ર પર ફરી માઠા પરિણામની સેવાય રહેલી આશંકા access_time 1:45 am IST