Gujarati News

Gujarati News

News of Friday, 12th October 2018

મારા બ્રેસ્ટ વિશે વાત કરતા સાજિદે મને કપડા કાઢવા કહ્યું: રશેલ

મુંબઇ, તા.૧૨: હજી એક દિવસ પહેલા જ કરિશ્મા ઉપાધ્યાયે પ્રખ્યાત બોલિવુડ ફિલ્મ મેકર સાજિદ ખાન પર એક ઈન્ટરવ્યુ દરમિયાન યૌન શોષણનો આરોપ લગાવ્યો હતો. ત્યારબાદ અભિનેત્રી સલોની ચોપરાએ પણ સાજિદ ખાન પર યૌન શોષણનો આરોપ લગાવ્યો છે. પરંતુ હવે લાગી રહ્યું છ કે સાજિદ ખાનની મુશ્કેલીઓ વધવાની છે. હવે અભિનેત્રી રશેલ વાઈટે પણ સાજિદ ખાન પર આશ્યર્યજનક આરોપો લગાવ્યા છે. ઉલ્લેખનીય છે કે, સાજીદ ખાન પર યૌન શોષણનાં આરોપો લાગતા અક્ષય કુમારે સાજિદ ખાનની ફિલ્મ 'હાઉસફૂલ ૪'નું શૂટિંગ રદ કરી દીધું છે.

રશેલ વાઈટે ટ્વીટ કરતા કહ્યું કે, મને સલોની ચોપડાની વાત પર પૂર્ણ વિશ્વાસ છે. જયારે 'હમશકલ' માટે મારે સાજિદ ખાનને મળવાનું હતું ત્યારે તેમણે મને કોલ કરીને તેમના ઈસ્કોન જુહૂ સ્થિત ઘરે મળવા બોલાવી હતી. મેં તેમને ફોનમાં જણાવ્યું પણ ખરૃં કે ઘરે મળવામાં મને કમ્ફર્ટેબલ ફીલ નહીં થાય. પરંતુ તેમણે મને કહ્યું કે, ઘરે મારા મમ્મી પણ હશે અને તે આપણી સાથે જ હશે તેથી ઘરે જ આવી જા. હું જયારે તેમના ઘરે પહોંચી ત્યારે તેમની મેડે મને ડ્રોઈંગ રૂમમાંથી સાજિદનાં બેડરૂમ તરફ મોકલી દીધી.

તેઓ તેમના રૂમમાં કસરત કરી રહ્યા હતા. ત્યારે મે બ્લૂ જીન્સ અને વ્હાઈટ ટોપ પહેર્યું હતું. સાજિદ મને એવી રીતે જોઈ રહ્યા હતા જાણે મે શરીર પર એક પણ કપડું ના પહેર્યું હોય. તેઓ મારી નજીક આવ્યા અને મારી સાથે મારા બ્રેસ્ટ વિશે વાત કરવા લાગ્યા. આટલું ઓછુ હોય તેમ તેમણે મને કહ્યું કે હું અહીં જ મારા કપડા ઉતારી દઉ. કારણકે એમ પણ ફિલ્મમાં તો મારે બિકીની પહેરવાની છે. પરંતુ હું તેમની આ વાતને નહીં સ્વિકારી ત્યાંથી ચાલી ગઈ. રેચલે ટ્વીટમાં એમ પણ લખ્યુ છે કે, હું સાજિદની ઓફિસમાં બિકીનીમાં ઓડિશન આપવા તૈયાર છુ પણ તેના ઘરે બેડરૂમમાં નહીં.

(5:01 pm IST)
  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST

  • ગુજરાતમાં 'લોબાન' વાવાઝોડાનો ખતરો? : દેશના દરિયાકાંઠાના તમામ રાજયો એલર્ટ : દરિયામાં ઉંચા મોજા ઉછળવાની શકયતા : અરબી સમુદ્રમાં સર્જાયુ સાયકલોનીક એર સરકયુલેશન : દક્ષિણ ગુજરાત ભારે પવન ફૂંકાવાની શકયતા : નેશનલ ઈમરજન્સી રિસ્યોન્સ સેન્ટરે આપ્યુ એલર્ટ : ૮૦ થી ૧૩૫ કિ.મી.ની ઝડપે પવન ફૂંકાશે access_time 3:28 pm IST

  • આંતરાષ્ટ્રીય બજારમાં ૮'દિ ક્રુડના ભાવો બેરલ દીઠ ૫ ડોલર ઘટયાઃ ભારતમાં પેટ્રોલ-ડીઝલ સસ્તુ થવાને બદલે ૮'દિમાં ૨ રૂ. વધી ગયા :ફરી આજે પેટ્રોલમાં ૧ લીટરે ૧૨ પૈસા અને ડીઝલમાં ૨૮ પૈસાનો દિલ્હીમાં વધારોઃ મુંબઇમાં પેટ્રોલમાં ૧૨ અને ડીઝલમાં લીટરે ૨૯ પૈસા વધ્યા access_time 3:28 pm IST