Gujarati News

Gujarati News

News of Friday, 12th October 2018

બોફોર્સ કાંડ અંગે સુપ્રીમમાં સુનાવણી

૧૩૦ કરોડ ડોલરના સોદામાં ૧.૪૨ કરોડની કટકી ચુકવાયેલ

 નવી દિલ્હીઃ એક સમયે દેશ આખાને હલબલાવનાર અને સ્વ. રાજીવ ગાંધીની સરકારને હચમચાવનાર ૬૨ કરોડની લાંચના બોફોર્સ તોપ કૌભાંડની આજે સુપ્રીમ કોર્ટમાં સુનાવણી હાથ ધરાશે.

 ૧૯૮૭માં સ્વીડન રેડીયોએ ધડાકો કરેલ કે સ્વીડીશ હથીયાર કંપની બોફોર્સ ભારતીય લશ્કરને બોફોર્સ તોપની સપ્લાય માટે સોદો અંકે કરવા ૮૦ લાખ ડોલરની દલાલી ચુકવેલ. તે સમયે સ્વ. રાજીવ ગાંધીની કોંગ્રેસ સરકાર સત્તામાં હતી અને ૧.૩ અબજ ડોલરમાં કુલ ૪૦૦ બોફોર્સ તોપ ભારતે સ્વીડન પાસેથી ખરીદેલ.

 ઇટાલીના વેપારી ઓટાવીયો કવાંત્રોકકીએ આ ડીલ કરાવવા માટે વચેટીયાાની ભુમિકા ભજવેલ અને મોટો હિસ્સો પણ મેળવેલ. બોફોર્સે આ સોદો પાર પાડવા ૧.૪૨ કરોડ ડોલરની સ્શ્વિત વહેંચી હતી.

 આ મુદે ૧૯૮૯માં રાજીવ ગાંધીની સરકારનું પતન થયેલ અને વી.પી.સિંહ વિશ્વનાથ પ્રતાપસિંહ રાજકારણના નવા નાયક તરીકે બહાર આવેલ. તેઓ પણ બોફોર્સ દલાલીનું સત્ય બહાર લાવવા નિષ્ફળ ગયેલ.

 આરોપીઓની સુચીમાં લાંબા સમય સુધી રાજીવ ગાંધીનું નામ પણ રહેલ અને તેમની હત્યા પછી તેમનું નામ દુર કરાયેલ.

 હવે આજે ૩૫ હજાર કરોડ રૂ.નું રાફેલ ફ્રેન્ચ વિમાનનું કૌભાંડ રાજીવના પુત્ર અને કોંગ્રેસના વર્તમાન સાંસદ- પ્રમુખ શ્રી રાહુલ ગાંધીએ મોટા પાયે ઉપાડયું છે.

(11:32 am IST)
  • જામખંભાળિયામાં મારામારીના કેસમાં નગરપાલિકાના પૂર્વ પ્રમુખ -ભાજપના નેતા અને જિલ્લા પંચાયતના સદસ્યના પતિને એક-એક વર્ષની સજા ફટકારતી અદાલત ;છ વર્ષ જુના કેસમાં ભાજપના આગેવાનને સજા ફટકારતા ખળભળાટ access_time 11:16 pm IST

  • રાજયના ૧૧૪ સબ રજીસ્ટ્રારની બદલી : રાજકોટના ૩ ઝોનમાં ફેરફાર :ગાંધીનગર નોંધણીસર નિરીક્ષકની કચેરી દ્વારા રાજયના ૧૧૪ સબ રજીસ્ટર-ર(વર્ગ-૩)ની અરસપરસ બદલીના હુકમો કરાયા છે જેમાં રાજકોટમાં સબ રજીસ્ટર ઝોન-૧માં બઢતી સાથે રાજયગુરૂને ઝોન-રમાં નવા સબ રજીસ્ટરની જગ્યા ઉભી કરી પી.કે.મોદીને, ઝોન-૩માં બઢતી સાથે કારીયાને તથા ઝોન-૮માં બઢતી સાથે કરકરેને મુકવામાં આવેલ છે. access_time 4:48 pm IST

  • જૂનાગઢ-વંથલીના ટીકર ગામે આધેડની બોથડ પદાથઁના ઘા મારી હત્યા:આધેડની કોહવાયેલ હાલતમા તેના જ ઘર માથી લાશ મળી:લાશને પીએમ માટે જામનગર સીવીલમા ખશેડાઇ: મૃતકના ભાઇની ફરીયાદ લઇ પોલીસે અજાણ્યાં શખ્શો સામે ખૂનનો ગૂન્હો દાખલ કયોઁ access_time 11:16 pm IST